Benvidos e Benvidas!!

Benvidos e benvidas a este novo curso escolar!!

Algúns/as só cambiades de curso, outros/as mudades de ciclo, de andar, de aula, e de mestra!! 

Mimadriña cando cambio!! 

En calquera dos casos, de seguro que con moita ilusión e moitas ganas.

Déixovos por aquí estas webs onde podedes entretervos, e repasar as táboas de multiplicar...

Repasar tablas iniciación

Varios xogos para cada táboa

Xogos populares 1º e 2º ciclo E.P.

Hoxe, 1º e 2º ciclo de E.P.,  realizamos xogos populares no patio cuberto.
Unha nova xornada de aprendizaxes e diversión, con agasallos finais: unha chapa e unha buxaina.
O curso que vén máis!

Excursión de Fin de Curso

O venres 14 de xuño realizamos a excursión de fin de curso. Visitamos o Galipark en Padrón e o alumnado de 3º e 4º de primaria puido disfrutar dun bo número de actividades ao longo do día: Tirolina, Tiro con arco, Deslizador acuático, Laser Tag...

Velaquí un video resumo do que foi a xornada.

Arte coas crebas

As crebas recollidas nas praias da contorna nos primeiros meses de curso serviron para que os escolares deixasen voar a imaxinación e contruiran estas auténticas obras de arte.  

Velaquí  as pezas realizadas polo alumnado de 4º de primaria

Festival das Letras Galegas

Velaquí o video da actuación do alumnado de 4º de primaria no festival que cada ano celebramos na nosa biblioteca escolar para conmemorar o día das Letras Galegas.
Nesta ocasión quixemos rendir homenaxe a Paco Souto, dando  a coñecer a súa poesía ao resto de escolares, recitando e poñendo en escena algúns dos seus poemas.

PAISAXE DE COSTA

Características da paisaxe de costa

Despois da andaina que nos levou dende Ponteceso ata a praia de Valarés, comezamos a traballar sobre as características da paisaxe de costa na aula.

A ría, as dunas, a praia, o illote, un cabo... 

Ó longo da andaina vimos de primeira man moitas das peculiaridades desta paisaxe, despois, no cole, analizamos e completamos información. 

Finalmente, levamos a cabo esta exposición, nela resumimos todo o que aprendemos na saída, á vez que profundizamos nas peculiaridades da paisaxe de costa. 

Na páxina do concello de Ponteceso podes atopar máis información sobre esta ruta, e tamén fotos sobre esta paisaxe tan bonita e característica. PINCHA AQUÍ

Saída escolar: De Ponteceso a Valarés

Despois de ter que aplazar esta excursión un par de veces por fin chegou o día no que o alumnado de 3º e 4º de primaria puido disfrutar da beleza que agocha o esteiro do río Anllóns ou as vistas que se poden observar dende o Monte Branco. A andaina partíu da praza do Recheo, en Ponteceso, da man de Javier, o guía turístico do concello.
Informounos sobre numerosos temas: a vida e obra do escritor Eduardo pondal, o río Anllóns, aves, sendeirismo… ata fixo xogos de animación ao comezo e ao final do roteiro, na praia de Valarés.

Grazas Javier! Pasámolo xenial!

UN MAR DE PLÁSTICOS

Non queremos afogar nun mar de plásticos

  Nos últimos anos comezaron a saltar as alarmas sobre a problemática ambiental que supón a contaminación dos mares e océanos, especialmente, polos plásticos. 

A todos e a todas nos soan imaxes coma estas 

 

Pero... realmente é para tanto a alarma?

De onde veñen a maioría destes plásticos?

Como danan a fauna e a flora?

Existen xa "mares de plástico"?

Que podemos facer?

Ó longo do curso fomos levando a cabo pequenas investigacións sobre esta problemática ambiental, e chegamos a conclusión de que o único que podemos facer nós, e tamén vós! é REDUCIR o consumo de plásticos, REUTILIZAR os que xa temos, e RECICLAR os que xa non son válidos.

Como proxecto final, elaboramos de xeito cooperativo estes murais, mediante os cales pretendemos facer ós demáis conscientes do gran problema ambiental ó que as nosas xeracións temos que facer fronte. 

Bótalle un ollo a estes enlaces, se queres obter máis información

Cómo chegan os plásticos ós oceanos

Plásticos nos océanos, datos, comparativas e impactos

Accións contra o plástico

Cómo afectan os plastico ós animais mariños

Documental plásticos nos océanos

Ledicia Costas en Radio Balea

Cando Ledicia nos visitou en abril, os nenos e nenas de 5º fixéronlle unha entrevista en radio Balea. Velaí!

Encontro con Ledicia Costas

Entrevista Ledicia Costas 4º

Leer más publicaciones en Calaméo