20/12/21
3º EP_ Un Nadal... natural!
Que traballo tan xeitoso realizaron as nenas e nenos de 3º coas súas familias para decorar o noso corredor este Nadal. A consigna este ano era realizar adornos con materiais da natureza, contribuíndo así a unhas festas máis sostibles. Ademais tamén aproveitamos para realizar a nosa propia árbore, a Árbore dos Desexos, cun ramalliño que atopamos no patio e con follas que decoramos mediante a técnica da estampación con follas secas e témperas,
Parabéns polo bonito traballo e felices festas!
Máis imaxes pinchando na foto.
3º EP_ Un Nadal cheo de tradicións en familia
A semana pasada recibimos dúas sorpresas moi relacionadas co noso PDI Nós Patrimonio In-material: o pai de Bruno, Turu Tambores, enviounos un vídeo interpretando a Muiñeira de Malpica, composta polo gaiteiro Bieito Romero (Luar na Lubre), e ademais deunos unha breve master class sobre a gaita, encantounos tanto que xa temos varios nenos e nenas na clase que queren ser gaiteir@s!
Despois recibimos a visita da mamá de Marco García, Charo, e de Noelia, ambas da asociación Raighañas: aprendimos a bailar uns puntos de muiñeira, de xota e ata nos atrevimos cos agarrados! Finalmente xogamos a inventar as nosas propias coplas convertíndonos en regheifeiras e regheifeiros, pasámolo tan ben e sóubonos a tan pouco que agardamos que nos voltedes visitar e seguir improvisando e aprendendo!
Moitas grazas por colaborar con nós na recuperación do noso patrimonio musical!
(podedes ver máis imaxes pinchando aquí, e de sorpresa un video para que vexades o ben que bailamos para ser a primeira vez de moitos e moitas de nós)
4º_Nadal en familia!
Presentamos, en formato audiovisual, un resumo das visitas familiares en relación co PDI NÓS: patrimonio in-MATERIAL!
O mércores 15 visitounos a avoa da nosa compañeira Mónica Novo: Ermitas Arcay; que nos regalou a realidade do Nadal nos anos 1940-50 en Malpica e que tan ben atesoura na súa memoria.
O xoves 16 recibimos a visita da tía da nosa compañeira Mara Pérez: Elena Verdes, coa súa compañeira María Haz; que nos regalaron a tradición oral en Bergantiños.
O venres 17 pechamos as visitas coa nai de Lucas Cousillas: Ana Antelo; que nos regalou a pandeireta e as coplas acompañada das nosas compañeiras (Mónica, Mara Pérez, Noa e Natalia).
Tres xornadas de recollida de información, de aprendizaxes compartidas, de vivencias orais e musicais que xa gardamos na nosa mochila de vida: para saber de onde vimos e valorar o noso rico patrimonio, para non deixar que a nosa riqueza cultural esvaeza.
GRAZAS... avoa, tía e nai
por adicarnos o voso tempo,
por compartir os vosos coñecementos
e por regalarnos a vosa experiencia.
A seguir medrando xunt@s, coñecendo e valorando o noso.
Bo Nadal 2021, en familia, a tod@s!
18/12/21
4º_Instalación artística de 6ºEP
O luns 13 e venres 17 visitamos a instalación artística Yayoi Kusama que o alumnado de 6ºEP creou baixo a coordinación da mestra Uxía.
O noso compañeiro Alexis non puido asistir ao cole por atoparse enfermo, mais non quixemos que faltase na foto de grupo. Dende aquí desexámoslle unha pronta recuperación e un Bo Nadal, xa que rematamos o trimestre sen ter a oportunidade de despedirnos del.
Premendo na imaxe accederedes á galería de fotos das sesións.
Parabéns @s compañeir@s de 6º e a mestra pola creativa e laboriosa actividade realizada.
Unha instalación chea de cor para recibir o Nadal... cun gran sorriso!
14/12/21
4º_Micro Bit: agasallo de Nadal!
Vaia agasallo de Nadal, alfabetización informática con Micro Bit!
Grazas á formación impartida pola mestra Marta, equipo tecnolóxico, coñecemos a linguaxe de programación para configurar a placa Micro Bit e que pase a formar parte da nosa árbore de Nadal.
Premendo na imaxe accederedes á galería de imaxes da sesión.
O programa que empregamos deixámolo no seguinte enlace, por se algunhas das peticións aos Reis Magos é un kit Micro Bit para seguir aprendendo, creando; pois saímos encantados da sesión.
Programa o teu Micro Bit
Un pasiño máis dentro da biblioteca creativa!
13/12/21
4º_Nadal Natural!
Como cada ano, decoramos a nosa árbore de Nadal!
Premendo na imaxe accederedes á galería de fotos.
Agradecemos a colaboración das familias na elaboración dos adornos naturais de Nadal, proposta do Equipo Creativo para o Laboratorio de Ideas de decembro.
Reutilizando con creatividade!
26/11/21
3º_25N, liberándonos das etiquetas que nos pesan!
3º _ Lab. Experimentando: o tacto, un sentido esquecido.
Ao longo do mes de novembro vimos traballando o método científico dentro da proposta do Laboratorio Documental do cole e aproveitando tamén a proposta das Bibliotecas Escolares do Mes da Ciencia en Galego. Iniciamos o noso traballo coa chegada dun paquete misterioso.. un bote con pó negro! Este misterioso pó provocou en nós unha chea de preguntas e, sen darnos conta, comezamos a xerar hipóteses! Non foron poucos e poucas quenes, pola cor e ata polo cheiro, deduciron que eran cinzas, outros e outras con moita imaxinación optaron por "galletas oreo machacadas"! Finalmente, tras ollar nos lentes binoculares e con algo de información da profe, descubrimos que tiñamos nas nosas mans cinza, si, pero do volcán da Palma! E así foi como descubrimos que son as preguntas científicas e que son as hipóteses.
Aproveitando que en Naturais estamos a traballar a función de relación e os sentidos, decidimos afondar un pouco máis no sentido do tacto e incorporar o método científico como metodoloxía de investigación. O noso grupo ten de marabilloso que estamos continuamente facéndonos unha chea de preguntas: por que sentimos? como? que pasaría se non tivésemos tacto? por que ás veces sentimos frío e outra calor? para que sirve a pel? sentimos igual en todas as partes do corpo?
Estas son un exemplo das preguntas que nos fixemos na clase, e das que resultaron tres experiencias científicas:
- O tacto: as terminacións nerviosas, a través da cal descubrimos que temos partes do noso corpo máis sensibles que outras
- A ilusión táctil, para comprender que o sentido do tacto funciona por comparación
- As pegadas dactilares, das cales descubrimos que non hai non mundo nen unha soa igual, e por iso a nosa pel funciona moitas veces como un carné de identidade!
Toda unha experiencia sensorial da cal aprendimos un pouco máis sobre a importancia do tacto para poder sentir e estar no mundo en que vivimos.
Premendo na imaxe podedes acceder á galería.
25/11/21
4º_Experimentamos e dialogamos
Hoxe, 25N, cambiamos a visión xunt@s!
Premendo na imaxe poderedes acceder ao álbum de fotos da xornada.
Comezamos a xornada experimentando en cada exposición de aula: experimentos que tod@s compartimos polos corredores do colexio, que se transformou nun gran laboratorio para conmemorar o mes da Ciencia en Galego nas Bibliotecas.
Pechamos a xornada co mural Visión 3D: Diálogo, Dereitos e Dignidade, arredor do cal reflexionamos, experimentamos coa visión 3D, eleximos dous títulos para compartir na aula e deixamos a nosa pegada.
De volta á aula compartimos lecturas de vida e dialogamos sobre a igualdade de xénero coa presentación da actividade realizada pol@s compañeir@s que asisten a Valores Sociais e Cívicos coa mestra María: mochilas que pesan e mochilas que nos liberan.
Seguimos CON-CIENCIANDO!
19/11/21
4º_Lab. Experimental: Transformando!
Presentamos en formato audiovisual o desenvolvemento do Laboratorio Experimental, o cal comezamos no mes de outubro co lapbook de Ciencias da Natureza, Transformando... con enerxía!
Ao longo do mes de novembro, conmemorando o mes da Ciencia en Galego nas Bibliotecas, rematamos o lapbook e creamos, experimentamos por equipos: cores, luz, auga (ilusións ou xogos ópticos) e máquinas.
Un Laboratorio Experimental no que ademais de crear máquinas e xogos ópticos, puxemos en práctica o ilusionismo.
Exposición lista para que tod@s poidamos experimentar, ilusionarnos coa ciencia!
29/10/21
4º_Magosto 2021
Celebramos, e vaia se celebramos, o Magosto 2021!
Comezamos a xornada con xogos populares no pavillón, 8 xogos coa castaña coma protagonista: a zorregada, a bomba, a rá, o castañón chis-pon, os aros, as chapas, a corda e os desprazamentos colaborativos.
Premendo na primeira imaxe poderedes acceder ao álbum de fotos do día.
E rematamos... comendo castañas asadas e xogando ao brilé.
Un día de magosto comendo castañas, alegrando o corpo!
4º_Cabazas lendarias!
Agradecemos a colaboración das familias na elaboración das mesmas.
Unhas cabazas lendarias!
28/10/21
4º_Lab. de cociña: doces lendas
No laboratorio de cociña con diferentes materiais: cartolinas negras, siluetas dos seres mitolóxicos e azucre glass... creamos por equipos as nosas lendas para contar ao resto de compañeiros/as, sen borrador previo, sen correccións, tomando a palabra en directo.
No vídeo tedes un exemplo do creado e premendo no seguinte enlace accederedes ao álbum de fotos da sesión.
Fotos: Doces lendas!
3º e 4º_Saída 1ºT._Contada lendaria!
Como peche do Laboratorio Documental, os grupos de 3º e 4º de E. Primaria realizamos unha saída complementaria ao cabo de San Adrián para realizar unha Contada lendaria!
Unha xornada na que compartimos lecturas, a lectura das lendas que recompilamos ao longo do mes de outubro grazas a colaboración das familias, nun entorno privilexiado: cabo de San Adrián fronte as Illas Sisargas, escenarios estes de moitas das lendas que compartimos.
Premendo na imaxe accederedes as fotos da xornada.
Un día vivenciando e valorando o noso!
27/10/21
3º_XII Semana das Lecturas Terroríficas
Os nenos e as nenas de 3º co motivo da XII Semana das Lecturas Terroríficas, foron a Radio Balea a locutar duas lendas relacionadas coa Costa da Morte, non volas perdades!!
25/10/21
3ºEP_Día das Escritoras Galegas e Día da Biblioteca Escolar
Con motivo da celebración do día das Escritoras Galegas (18 de outubro) e das Bibliotecas Escolares (24 de outubro), participamos na tarefa integrada "Pondo cara a... 18 escritoras galegas". Nela, puxemos en práctica os coñecementos do Laboratorio Documental e a nosa competencia en Alfabetización Mediática e Informacional, identificando os títulos de diferentes obras, investigando no catálogo da nosa biblio o nome da súa autora e facendo, finalmente, unha pesquisa da súa imaxe (poñendo así cara ás mulleres escritoras que enchen os nosos andeis de historias)
4º_XII Semana das Lecturas Terroríficas
Presentamos o produto final do Laboratorio Documental que desenvolvemos a través da Tarefa Integrada Confundindo lendas!
Esperemos que vos guste, nós divertímonos aprendendo.
Un laboratorio lendario!
22/10/21
4º_Lab. Documental: formación
Ao longo do mes de outubro desenvolvemos a formación do Laboratorio Documental: formación de usuari@s e alfabetización en información; para elo empregamos diferentes sesións, coma a sesión Aprender a Investigar (Libre Configuración en 4º e 6º de Primaria)
Esta semana, completamos a formación pondo en práctica os coñecementos adquiridos a través da actividade dinamizada polo equipo de Biblioteca e Dinamización da Lingua: 18 Escritoras Galegas (celebrando o Día das Escritoras e o Días das Bibliotecas), para pór cara, nome e apelidos ás autoras de cada título e... obxectivo cumprido!
Premendo na imaxe accederedes ao álbum de fotos da actividade.
Seguimos investigando, formándonos!
3º_Lab. de son: que sabemos de Malpica?
Como inicio do noso PDI Nós, patrimonio in-material!, o alumnado de 3º fixemos, a modo de avaliación inicial, o noso primeiro podcast en Radio Balea. Nel, compartimos coa comunidade educativa que coñecemos da nosa localidade, Malpica. De seguro que ao remate deste curso poderemos contarvos moitas cousas máis!
21/10/21
4º_Lab. de Son: que sabemos de Malpica?
Iniciamos o Laboratorio de Son elaborando, por equipos, os guións para gravar en Radio Balea o primeiro podcast do curso 2021/22. O podcast recolle o guión de cada equipo: A Coruña, Lugo, Ourense e Pontevedra, novos nomes de equipos para novo PDI.
Presentamos o noso MillaInforma: que sabemos de Malpica?, para dar comezo ao Proxecto Documental Integrado que nos ocupará ao longo de dous cursos escolares, centrándonos neste primeiro ano en Malpica e a Costa da Morte.
Premendo na imaxe poderedes acceder as fotos das sesións de gravación.
Deseguido podedes escoitar o noso programa, presentado por Belén para que nos quede a súa voz de recordo cando teña que voltar a universidade.
Esperamos que vos guste, nós pasámolo xenial!
18/10/21
4º_Aprender a Investigar
Premendo na imaxe accederedes ao álbum de fotos da materia.
A seguir investigando!
15/10/21
4º_Principiando!
Un ano máis, un curso máis... xunt@s!
Principiamos 4º curso de Educación Primaria con actividades variadas e divertidas, dando comezo ao novo PDI NÓS: patrimonio in-MATERIAL!. Un Proxecto Documental que persegue o coceñemento de nós e do noso, valorando de onde vimos para saber cara onde imos.
Inauguramos o PDI coa visita da AC Raigañas de Cerqueda, comezando o curso ao son da música e o baile tradicional. Na imaxe podedes ver a Belén Veiga, alumna do Practicum II da Facultade de CC da Educación de A Coruña que xa nos acompañou o curso pasado e elexiu dar continuidade as súas prácticas no noso colexio, no noso grupo.
Iniciamos curso e iniciamos novas dinámicas coma Emocibuzón.com, unha caixa do correo onde depositar os nosos escritos en relación coa escola e como nos sentimos integrando emocións e comunicación, así coma a asemblea semanal ou círculo comunicativo para expresarnos e dialogar en gran grupo.
Damos continuidade aos Diver-Ditados e as sesións Hora de Ler, nas que compartir lecturas e enriquecernos xunt@s cos títulos do Plan Lector Anual, realizando Que me contas? ou preparando, por parellas, as lecturas elexidas para a actividade voluntaria Hoxe le...
Premendo no seguinte enlace accederedes ao álbum de imaxes...
4ºEP_Principiando 2021/22
Seguiremos emocionándonos, comunicando, experimentando, creando.
A por un curso moi noso, un curso de todas e todos.
11/10/21
3º_ Resumo das primeiras semanas de curso
Parece que o verán xa queda moi atrás, ainda que por agora o sol nos acompaña no CEIP Milladoiro! As nenas e nenos de 3º levamos un mes habitando a nosa aula, que pouquiño a pouco se vai convertindo nun pequeno fogar e que, como o resto de fogares, precisa unhas normas de convivencia, unas rutinas, horarios, pero tamén recunchiños onde sentirnos cómodas e relaxarnos (como o noso recanto lector!):
22/06/21
3º_Fin de curso 2020/21
Hoxe finalizamos un curso excepcional no noso colexio, ningún lugar mellor para aprender e soñar xunt@s.
Como actividade final elaboramos o noso libro de produción propia con propostas de actividades para o verán: receita de verán, risa saudable, escribo, ilustro, o meu día favorito, a miña familia, amigos/as, un lugar especial e libros do verán son as páxinas que o conforman.
Ao remate do merecido descanso estival esperamos voltar co noso libro cheo de palabras e ilustracións que resuman o feliz verán que desfrutamos lendo, xogando, compartindo...
Despedimos un curso de moitas emocións, agradecendo á ANPA a merenda fin de curso que nos agasallou, a nosa comunidade polas actividades que nos brindou, as nosas familias e ao noso profesorado polo seu acompañamento, dedicación e coidado diario con todos/as nós.
Feliz e saudable verán a tod@s, voltamos en setembro!
21/06/21
3º_Visita Sr. Alcalde Walter Pardo
Hoxe, penúltimo día lectivo do curso 2020/21, recibimos a visita do Sr. Alcalde Walter Pardo para ler e facerlle entrega da nosa instancia (expoñemos-solicitamos) que redactamos como actividade final do lapbook de Ciencias deste último trimestre.
Agradecemos ao Sr. Alcalde que fixera un oco na súa axenda para recoller persoalmente a nosa instancia e escoitarnos; aínda que xa nos aclarou que algúns dos obxectivos que recollemos como Axenda 2022 do Concello de Malpica de Bergantiños xa están en proceso, algúns mesmo cumpridos. Esperamos que todos eles se acaden antes de que finalice o ano 2022.
O vindeiro curso seguiremos aprendendo, contribuíndo á construción dun mundo mellor xunt@s!
08/06/21
3º_Día Mundial dos Océanos: Exposición de Fotografía Subacuática
Hoxe visitamos o Centro Cívico, conmemorando o Día Mundial dos Océanos, coa visita guiada á Exposición de Fotografía Subacuática ofertada polo Concello.
Picando na primeira imaxe accederedes ao álbum de fotos da visita, a cal completaremos o vindeiro venres 11 visualizando un documental medioambiental sobre o mundo mariño.
Aproveitamos o bo tempo, mentras esperabamos a nosa quenda para realizar a visita, desfrutando de xogos populares no noso patio. Picando na imaxe accederedes ao álbum de fotos.
Un día de xogos compartidos e sensibilización para valorar e coidar a vida submarina.
05/06/21
3º_Lab. de Ideas: construíndo un mundo mellor!
Presentamos o vídeo-resumo do Laboratorio de Ideas que complementa o Laboratorio de Son: o mundo escríbese...con X!
Atendendo ao noso PDI Visión 3C en relación coa Axenda 2030 e o Día do Medio Ambiente, que se celebra no día de hoxe, construímos por equipos 4 maquetas/construcións ecolóxicas e creativas.
Pechamos un curso de experiencias compartidas arredor, entre outros, dos laboratorios de aprendizaxe.
O vindeiro curso seguiremos divertíndonos aprendendo!
04/06/21
3º_Lapbook de Ciencias 3º trimestre
Rematamos o último lapbook do curso integrando as Ciencias co PDI Visión 3C, coa Axenda 2030 mediante os diferentes laboratorios de aprendizaxe.
Un lapbook co que traballamos por equipos desenvolvendo, entre outras aprendizaxes, a alfabetización en información; creando así as nosas propias lapelas.
A última actividade que realizamos arredor do tratamento do seu contido foi redactar entre tod@s unha instancia (expoñemos-solicitamos) dirixida ao Sr. Alcalde de Malpica cos puntos que consideramos deben ser cumpridos para mellorar a vida da poboación de Malpica e respectar o medio: Axenda 2022 do Concello.
Premendo na imaxe accederedes ao álbum de fotos.
O vindeiro curso seguiremos construíndo!
02/06/21
3º_Sesión formativa con SOGAMA
Hoxe o alumnado de 2º e 3º de Primaria asistiron, na nosa Biblioteca, a unha sesión formativa sobre separación de residuos desenvolta por Cristina, persoal de SOGAMA, que xa nos visitou o curso pasado cando participamos no programa de educación ambiental Recíclate con SOGAMA canalizado a través do Plan Proxecta da Consellería de Educación.
Asentaron contidos, xa tratados curricularmente, arredor da necesidade das 3R: Reducir, Reciclar e Reutilizar; e coñeceron unha cuarta R: Recuperación enerxética, aportación que realiza SOGAMA transformando, de forma limpa e respectuosa co medio, a parte non reciclable en enerxía eléctrica.
Premendo na primeira imaxe accederedes ao álbum de fotos da sesión.
Agradecemos ao Concello esta actividade que nos ofertou dentro do seu plan de incorporación ao programa de compostaxe doméstico liderado por SOGAMA.
28/05/21
3º_A Xanela do Maxín: A viaxe de Saira
As aulas de 2º e 3º de Primaria desfrutaron, no día de hoxe, coa representación en streaming de A viaxe de Saira de A Xanela do Maxín.
Agradecer a Celtia Figueiras a súa atención contactando con nós, facilitando o encontro en liña e protagonizando o mesmo fantasticamente.
Seguimos creando...experiencias culturais!
25/05/21
Bautismo de Surf - 4º E.P.
O pasado venres o alumnado de 4º E.P. realizaou o bautismo de surf na praia de Malpica, dentro do programa Aprende a través do Surfing, da man dos profesionais de One Surf Academy. Non acompañou o tempo pero foi unha xornada moi gratificante, podedes ver todas as imaxes premendo no seguinte enlace: Bautismo de Surf.
20/05/21
3º_Surf en Area Maior, Malpica
Chegou o gran día!
Completamos o programa Aprende a través do Surfing, da man dos profesionais de One Surf Academy, facendo prácticas na praia Area Maior de Malpica. Un privilexio de paisaxe de costa que hoxe valoramos máis ca nunca: reciclando, redescubrindo o noso, sendo grupo a través do compañeirismo e a solidaridade a través do surf.
Descubrimos que o surf é moito máis ca un deporte, é unha visión máis ampla da vida, é valorar o que nos rodea, coidando do medio e coidándonos mutuamente entre as ondas do mar ou pisando a area, as pedras.
Agradecemos a Toni e ao seu equipo a profesionalidade e humanidade, que no día de hoxe nos brindou unha xornada de aprendizaxe emocionante e moi divertida, desfrutamos moitísimo de todo o vivido.
Picando na imaxe accederedes o álbum de fotos da xornada.
Seguimos creando...experiencias de vida!
17/05/21
3º_Mes das Letras e Lab. de Son
Presentamos o vídeo-resumo do proceso de desenvolvemento do Laboratorio de Son no que conmemoramos as Letras Galegas 2021 adicadas a Xela Arias en relación cos ODS da Axenda 2030.
Un laboratorio emocionante e moi productivo grazas ao traballo en gran grupo, por equipos no que integramos, ao longo do noso Mes das Letras, os ámbitos lingüístico e científico a través de diversas tarefas, así:
- Achegámonos á autora homenaxeada a través de diferentes exemplares da nosa Biblioteca, portofolio individual, recursos en liña e recursos audiovisuais.
- Plantamos...ideas naturais! no Laboratorio de Ciencias, partindo do conto de Xela Arias A fraga dos paxaros faladores e a fraga leopardicia, reciclando ovos de parrula coma testo, serraduras das árbores da fraga coma substrato e comida de paxaros, alpiste, coma semente. Dándolle vida ao testo obtemos unha cabeza da que medran ideas moi, moi naturais!
- Ideamos a nosa produción propia escrita Construíndo un mundo mellor! con versos de Xela Arias e versos da nosa creación en relación con algúns dos ODS da Axenda 2030 que tratamos ao longo do curso.
- Confeccionamos a manualidade Día da Familia 2021, destacando a nosa produción propia e versos de Xela Arias.
- Reciclamos coas caixas Xunt@s 3.21 construirtiX contando así con materiais de refugallo para as nosas creacións/maquetas do Laboratorio de Ideas, último laboratorio de aprendizaxe do curso, as cales formarán parte da exposición final do PDI Visión 3C.
- Elaboramos, MateCreando, a última exposición de aula Letras Galegas 2021. Lab. de Son e Lab. de Ideas.
- Gravamos o programa Festexamos: o mundo escríbese con X , que podedes escoitar a continuación.
Feliz Día das Letras Galegas e...
a seguir construíndo un mundo mellor!
15/05/21
3º_Día da Familia 2021
Presentamos a nosa manualidade creada no desenvolvemento do Laboratorio de Son e Letras Galegas 2021, na cal unimos versos de Xela Arias coa nosa produción propia escrita e unhas frases moi inspiradoras.
Feliz Día da Familia, familias diversas e únicas!
Na diversidade radica a nosa gran riqueza, seguimos construíndo.
14/05/21
3º_MateCreando
Reforzamos conceptos matemáticos: liñas, ángulos, figuras planas..., estivemos MateCreando. Cada un/unha de nós creou unha figura co tangram, para o cal botamos man do libro, dispoñible na nosa Biblioteca, Tangram. Gato de Maranke Rinck; para finalizar pegando as etiquetas con vocabulario matemático.
Unha experiencia constuctiva máis, colaborando xunt@s!
13/05/21
3º_Plantando...IDEAS NATURAIS!
Neste Mes das Letras, partindo do conto de Xela Arias A fraga dos paxaros faladores e a fraga leopardicia, plantamos no Laboratorio de Ciencias aplicando a reciclaxe e recursos naturais: ovos de parrula coma testo, serraduras das árbores da fraga coma substrato e comida de paxaro, alpiste, coma sementes.
Só queda coidar con moito mimo, auga, luz e darlle vida ao testo para que da cabeza-ovo medren ideas moi, moi naturais.
E vaia se medran!
Picando na primeira imaxe accederedes ao álbum de fotos.