4º EP_ Festival das letras: RECITAL

 O alumnado de 4º de primaria aproveitamos os poemas creados para o Galiletras para facer o noso recital na festa máis importante do cole: o Festival das Letras. 

Esperamos que vos guste!

4º EP_ Galiletras: POESÍA

Este curso escolar, o alumnado de 4º de primaria converteuse en poetas. Despois de moita práctica coas rimas, conseguimos crear, en equipo cooperativos, 3 poemas de produción propia que serán recitados no Festival das Letras do próximo 14 de maio.

Esperamos que vos gusten!!

Galiletras 4º EP 2026 de bibliotecamilladoiro

3º e 4º EP_ Lectura na rúa 2026

 Para conmemorar o Día do libro, a biblioteca do cole organiza a Semana do libro, onde cada ciclo baixa a  ler a unha zona da vila de Malpica. 

Por mor do cansanzo e organización das probas de Avaliación de Diagnóstico de 4º de primaria, o alumnado de 3º e 4º decidiu que, para preparar con tempo a merenda saudable, íamos ir o luns 27 de abril á Atalaia de Malpica.

Acudimos á cociña a preparar brochetas de froita con chocolate fundido. Xa tiñamos todo listo e preparado para marchar pero a choiva e o vento truncáronnos os plans, sendo imposible facer a saída prevista. 

Para que o alumnado puidese desfrutar dun tempo de lectura compartida, decidimos saír ao patio do cole, coa promesa de que, un día de bo tempo, baixaríamos á praia para quitarnos a espiniña de non poder ir a un lugar tan bonito e relaxante como a Atalaia e as súas vistas.

Clica na imaxe para acceder á galería.

3º e 4º_ Visita guiada aos murais de Carballo

 Ola baleatos!

Enmarcada dentro do noso PDI MarabillARTE, o alumnado de 3º, 4º e 5º de primaria acudiron a unha visita guiada polos murais de Carballo. Maite foinos guiando polos distintos murais, explicando o proceso de creación e aspectos relevantes das obras.

Clica na imaxe para acceder á galería!

4º EP_ Páxina do decálogo inclusivo para o Día da Discapacidade

 Ola Baleatos!!

O alumnado de 4º EP creou a súa páxina para o Decálogo Inclusivo do centro. Ademais, fixemos un programa para o podcast "MillaInforma", no que vos ofrecemos información sobre a discapacidade física e intelectual e o trato que merecen que lles deamos á xente que as padece. Se escaneades o código QR da imaxe, podedes escoitalo!

Fumos á aula taller imprimir as palabras da nosa frase "Todos merecemos o mesmo trato" e as pegamos na nosa páxina do decálogo, que mostramos a continuación.

Esperamos que vos guste!

3º e 4º EP_ Visita ao Museo de Belas Artes

 Aproveitando que o noso PDI versa sobre as 7 artes e que o RetArte da biblio deste mes é a pintura, o alumnado do 2º ciclo de Educación Primaria acudiu a unha visita guiada ao Museo de Belas Artes. 

Pasamos un rato agradable aprendendo sobre Velázquez, os bodegóns ou Rubens. Recomendadísima! A entrada é de balde para todos e todas, non dubidedes en acudir!

Clica na imaxe para acceder á galería de fotos.

4º EP_ XVI lecturas terroríficas: O lobishome sen dentes

 Co gallo das XVI lecturas terroríficas do CEIP Milladoiro, o alumnado de 4º EP elaborou un texto de produción propia titulado "O lobishome sen dentes".

Podedes ver o vídeo da actuación clicando na imaxe!

Pasádeo moi ben por Samaín!!

4º EP_ Cabaza creativa por Samaín!

 O alumnado de 4º EP fixo unha reinterpretación da famosa cabaza de Yayoi Kusama. Cortaron tiras de cartolina, as pintaron con puntos de diferentes cores e as pegaron para formar así a súa propia cabaza.

Podes acceder á galería pinchando na imaxe!

4º e 5ºEP_ Saída ao Castro de Elviña e o parque de Eirís

 O alumnado de 4º e 5º de primaria realizamos unha visita guiada polo Castro de Elviña. As monitoras explicaron todo súper ben, provocando a inquedade de todo o alumnado por saber máis. Recomendamos ir!

Despois, fomos a ter un rato de xogo libre e comer no parque de Eirís. 

Que gusto dan estes momentos de convivencia e diversión!

Clica na imaxe para acceder á galería

2ºB, 3º e 4º EP_ Reconstruímos libros con... LEGO!

 Para festexar a Semana do Libro, o alumnado de 2ºB e 3º de primaria e 4º de primaria diseñou, con pezas de LEGO, portadas de contos e libros.

Por equipos, seleccionaron o libro e puxéronse mans á obra. Despois, elaboramos unha exposición ao lado da aula de arte, no 2º andar. Unha experiencia moi bonita que, deseguro, repetiremos!

Clica na imaxe para acceder á galería. 

2ºB, 3º e 4º EP_ Saímos ler a San Hadrián!

O alumnado de 2ºB, 3º e 4º de primaria realizou unha andaina dende o IES Urbano Lugrís ata San Hadrián. O tempo acompañounos e foi un paseo ben agradable! Unha vez alí, comemos a merenda que preparáramos con anterioridade na cociña: brochetas de uva, plátano e amorodos xunto con torradas de queixo fresco e mel. Logo, pasamos un agradable momento de lectura compartida. 

O pasamos bomba!

Clica na imaxe para acceder á galería:

4ºEP_ Mulleres por carta

 A clase de 4ºEP participou na iniciativa "Mujeres por carta". Nela, as alumnas e alumnos teñen que escribir cartas sobre algunha muller importante a outra aula de España. Podedes consultar algunhas das iniciativas que levan a cabo clicando aquí. 

Como, para a celebración da "Semana da Muller" organizada polo cole, investigamos sobre Sés, cada equipo da aula redactou unha carta creativa e, entre todas e todos, elaboramos un collage sobre ela. Tamén lles mandamos unha copia do traballo realizado para o mural do cole.

Unha vez redactadas as cartas, as metimos nun sobre e fomos a Correos. Enviamos a carta e esperamos a que chegase a nosa. Viña de Elche, Alicante! Dentro do sobre había moitas cartas que falaban de mulleres nacidas nesa cidade. Tamén nos mandaron unha carta con información sobre Elche e alucinamos co seu incrible Palmeral!

Repetiremos seguro!

Clica na imaxe para acceder á galería:

4ºEP_Visita a MeteoGalicia

 O pasado luns fomos de excursión a MeteoGalicia. Alí, explicáronnos que é a contaminación do aire, como afecta a nosa saúde ou que empregan para medila.

Logo acudimos á estación meteorolóxica a observar os aparellos cos que miden a os valores de contaminación.

Gracias, MeteoGalicia!

Clica na imaxe para acceder á galería.

4ºEP_ Gandhi pola PAZ!

O alumnado de 4º EP leu sobre Mahatma Gandhi e, entre todas e todos, elaboramos un email para enviar ao alumnado do Hospital Materno Infantil da Coruña. 

Tamén propuxemos situacións nas que nos sentíamos en paz e... A maioría eran momentos nos que se compartía o amor! Apertas, bicos, agarimos... Cando hai amor, hai calma.

Para rematar este día, estivemos debatendo sobre a temática "Hai paz nos xogos de mesa?". A conclusión foi que, ás veces, é difícil manter a calma pero, se non hai paz, pérdese a maxia do xogo.

E incluso tivemos tempo para xogar con mooooita paz!!

4º EP_ Compartimos experiencias... Polo Nadal

 A cativada de 4º EP elaborou unha postal de nadal en CANVA, de xeito colaborativo, para os pescadores xubilados de Malpica. Íamos acudir este xoves pero, por ausencia da profe, foinos imposible. Así que á volta de Nadal baixaremos a darlla.

A nosa máxima ilusión é que nos ensinen un día a pescar e, a cambio, nós farémoslles unhas galletas na cociña do cole. Seguro que aprendemos un montón con eles!!

Vémonos á volta, pescadores!! Gracias de antemán pola vosa xenerosidade!

Bo Nadal!

Clica na imaxe seguinte para acceder á galería!

4ºEp_Receita por Nadal

Este ano, Xulia e a súa nai organizaron unha actividade na cociña do cole: crear galletas de Nadal.

Xulia foinos explicando paso a paso a elaboración da receita, lles dimos forma e as metimos no forno. 

Ao sacalas, as decoramos con colorante alimenticio. Estaban boísimas!

Gracias a Xulia e a súa mamá por compartir con nós un doce Nadal!

Clica na imaxe para acceder á galería

4ºEP_ Experimentamos!

 Co gallo da celebración do Día da ciencia en galego nas bibliotecas, a clase de 4º EP preparamos 3 experimentos para explicar ao resto de compañeiras e compañeiros do cole.

Así, fixemos 3 experimentos:

EXPERIMENTO 1: sumerxemos un ovo cru en vinagre e esperamos 24h. Co paso do tempo, a reacción do vinagre coa cáscara fixo que esta desaparecese, quedando unha especie de ovo flexible.

EXPERIMENTO 2: mesturamos fariña de millo e auga para facer un líquido non-newtoniano. O pasamos de pinga!

EXPERIMENTO 3: collemos 3 vasos de auga e enchemos dous deles. Colocamos un vaso vacío no medio deles e conectamos con tubiños artesanais de papel os vasos entre si. Co paso dos minutos, observamos que o vaso vacío vaise enchendo de auga, mentres que os dos laterais vanse vaciando.

O mércores fomos de visita ao resto de aulas para ver os seus experimentos. Accede á galería clicando na imaxe que aparece a continuación:

4ºEP_ Merendas saudables?

 Ola BALEATOS!

Durante o segundo trimestre, os nenos e nenas de 4ºEP estivemos investigando sobre a cantidade de azucre que contiñan as nosas merendas. Para iso, fixemos unha investigación enorme, que vos resumimos a continuación.

Nun primeiro momento, fomos recolectando os envases das merendas que traíamos á aula (lavándoos previamente). Cando vimos que tiñamos un número importante de envases, clasificámolos segundo tiveran ou non etiqueta, para facer unha busca dos segundos en internet.

Unha vez obtidas todas as etiquetas, aprendemos a distinguir nelas os seus ingredientes (e que a cantidade de cada un está relacionada coa súa posición na lista) e o valor nutricional do alimento (distinguindo os azucres por cada 100g e por ración).

Así, repartimos todas as etiquetas entre os 4 equipos cooperativos da aula. Na ficha de traballo fomos anotando a cantidade de azucre por porción (total da merenda) e por 100g. Unha vez completada a ficha, comprobamos que alimentos eran, supostamente, os máis e menos saudables. 

Despois de corrixir algún que outro erro, tiñamos unha lista de merendas bastante ampla. Descartamos merendas repetidas, como iogures ou tortiñas de millo, quedándonos cun total de 11 envases. 

Para rematar, fomos á cociña para preparar o mural. Coa báscula, fomos medindo o azucre e meténdoo en diferentes bolsiñas. Pegamos todos os envases e, ao seu lado, a bolsiña co azucre correspondente. Logo, anotamos a porcentaxe de azucre debaixo.

Tan só nos quedaba explicar todo o realizado, que non foi pouco! Como expertos, non dubidamos en facelo de tres xeitos diferentes:

• Creamos unha nova entrada no noso caderno de investigación persoal. 

• Gravamos un podcast, que incluímos no mural mediante o código QR. O podes escoitar clicando

• Fixemos mini Educa-Tribos nos que, durante a Hora de Ler, cada equipo cooperativo explicou a outro alumnado do centro o que realizaron, investigaron e aprenderon durante a realización do proxecto. 

Clica aquí para acceder á galería de imaxes do proxecto.

Esperamos que vos guste!

Día do libro_ Picnic saudable

 Ola Baleatos!

Para festexar o Día do Libro, o 2º ciclo de Educación Primaria foi de excursión ao porto de Malpica.

Alí non só desfrutamos dunha agradable lectura, senón tamén dunha merenda saudable conxunta.

Para iso, tivemos que facer unha votación de merendas saudables, resultando como gañadora a torrada con tomate triturado e xamón serrano. Ese mesmo día 23, fomos á cociña a triturar o tomate para poder desfrutar da merenda. 

Unha experiencia preciosa! 

Clica aquí para acceder á galería!

4ºEP_ Entrevistas fantásticas polo 8M_ Gloria Fuertes

 Ola Baleatos!

Para o día da muller estivemos investigando a biografía e obra de Gloria Fuertes, para así poder realizarlle unha entrevista fantástica en Radio Balea.

Despois de consultar información en diferentes medios (libros, fichas de comprensión, internet...), acudimos á radio para gravar o noso programa. Alí, estivemos repasando os feitos máis importantes da súa vida baixo o punto de vista da rapazada, saíndo como produto unha entrevista tan chula como a que podedes escoitar clicando aquí. 

Ademais da propia entrevista, no podcast tamén facemos un xogo chamado "Real ou fantástico?", no que comprobaredes por vós mesmos se estivéchedes ou non atentas/os durante a entrevista. Tamén, ao final, recitamos un dos nos poemas favoritos da autora: "Cómo dibujar un niño".

Por último, para expoñer a nosa entrevista na biblioteca, elaboramos un vídeo que podedes ver a continuación, clicando na imaxe.

Elaborado por Belén García Varela