Challenge Pictórico

Se algo se fixo viral nestas longas semanas de confinamento, foron os retos! 

Nós non íamos ser menos, e apuntámonos 

👀 Ó RETO PICTÓRICO 👀

Nestes enlaces podedes ler sobre a viralidade deste challenge en todo o planeta 

 ⇒ https://www.lavanguardia.com/cultura/20200320/474271508614/challenge-obra-arte-pintura-coronavirus-covid19-holanda-confinamiento.html

⇒ https://www.20minutos.es/gonzoo/noticia/4209684/0/museo-recree-obras-arte-objetos-cotidianos/

Mulleres na Ciencia

As nenas e os nenos de 4º E.P fixemos unha presentación na biblioteca, da muller científica que escollemos: MILEVA MARIC.


Deixámosvos aquí o discurso das nosas compañeiras, e tamén o enlace ó vídeo que elaboramos todos xuntos/as.

" Hoxe estamos aquí conmemorando o día da muller. Esta celebración existe para reivindicar a igualdade de dereitos e de oportunidades entre os homes e as mulleres.

Este curso analizamos a importante labor da muller na ciencia.

Está é a muller que nós escollemos ( mostra unha imaxe de MILEVA MARIC). alguén sabe quen é?

Alguén sabe quen é este home? (mostra unha imaxe de ALBERT EINSTEIN.

Velaquí a necesidade de celebrar o día da muller.

As nenas de 4º de educación primaria, coa axuda nos nosos compañeiros, fixemos este vídeo, con el queremos que a próxima vez que vexades esta imaxe, sepades que tedes diante a nai da TEORÍA DA RELATIVIDADE.

Posto que estamos nunha biblioteca, ocúrresenos pechar a nosa exposición lembrando a VIRGINIA WOOLF.

Virginia Woolf foi unha escritora británica que reinvindicou os dereitos da muller. Nunha ocasión dixo que < atreveríame a aventurar que Anónimo, que tantos poemas escribiu sen firmar, era, a miúdo, unha muller.

Moitas gracias, e recordade que a igualdade é algo que construimos todos e todas, día a día.

Queremos agradecer a colaboración dos nosos compañeiros. Eles traballaron igual ca nós, e cedéronnos a nós todo o mérito."

Podes ver o vídeo pinchando aquí.

Visita ó MUNCYT

O pasado martes día 11 de febreiro, con motivo do DÍA DA MULLER E DA NENA NA CIENCIA, as nenas e nenos de 3º e 4º de primaria, fomos ó MUNCYT, o museo científico e tecnolóxico da Coruña.

Descubrimos curiosidades sobre os avións, sobre os inventos máis relevantes de cada década... FOI UNHA EXCURSIÓN FANTÁSTICA!

  

Vacina do bo trato

Este ano o conxunto do cole enmarcamos a conmemoración do Día Escolar da non violencia e a Paz, dentro do 

PDI Visión 3C 

( Ciencia, Comunicación, Creatividade)

Polo tanto, dunha banda, analizamos o significado do símbolo máis universal da paz. Descurbrimos que se trata dun sistema alternativo de COMUNICACIÓN. Pois representa as letras D e N do alfabeto semáforo, unha linguaxe mediante bandeiras que os marines empregan para comunicarse. 

En realidade foi creado para apoiar a campaña do Desarme Nuclear, no Reino Unido, en 1958.

Por outra banda, unímonos a campaña de UNICEF da vacina do bo trato. 

Para crear a nosa vacina do bo trato, comezamos deseñando o VIOLENTOVIRUS, e todo o que representa. Buscamos noticias nos xornais, relacionadas cos síntomas do violentovirus.

A continuación, analizamos os prospectos de diferentes menciñas. Unha vez nos familiarizamos coa linguaxe científica:

Deseñamos a nosa propia menciña, a VACINA DO BO TRATO!  con ela, as noticias violentas volvéronse 

noticias de paz, amor, sorrisos e abrazos!

Ciencia na aula

Dende tempos inmemoriais, os volcáns espertan a curiosidade dos Seres Humanos.

 Centos de lendas xiran o seu redor, e a pesar de que  na actualidade, a ciencia é quen de explicalos, seguen deslumbrándonos. 

Ante tanta expectación, imposible non poñernos a investigar!!!