4ºEP_Somos... únic@s, divers@s!

Presentamos en formato audiovisual o resumo da Tarefa Integrada (Ciencias da Natureza, Matemáticas, Linguas, Plástica, Valores) que desenvolvemos ao longo do 2º trimestre:

Somos... únic@s, divers@s!

O produto final en formato caderno de lapelas ou lapbook permitiunos investigar, experimentar, emocionarnos, coidarnos... por equipos e en gran grupo para transformar a información en coñecemento e a través da experiencia.

Pechamos así o 2º trimestre para recobrar forzas e voltar con moitas ganas de rematar un curso co cal pecharemos un ciclo marcado pola pandemia, pero no cal seguimos emocionándonos aprendendo xunt@s.

Voltamos no 3º trimestre!

4ºEP_Na horta cos meus amig@s

Esta semana comezamos o Programa de saúde e benestar emocional promovido pola Asociación Vieiro de Carballo, a cal lle estamos moi agradecid@s por achegarnos programas tan necesarios na escola e a custe cero.

O programa consta de 8 sesións nas que da man de Fani (psicóloga da Asociación) @s nen@s, a través da recreación de contos nos que as hortalizas son as protagonistas, coñecen situacións persoais que poden vivir nesta etapa evolutiva: celos, burlas, diferenzas físicas/culturais, presión de grupo, resolución de conflitos...; contribuíndo á maduración psicoafectiva e a adquisición de hábitos de saúde e benestar emocional.

A primeira sesión foi todo un éxito, tod@s se identificaron coas características dalgunha das hortalizas protagonistas; aínda que non sexa doado reflexionar sobre como son e como me sinto.

Premendo na imaxe accederedes ao álbum de fotos do programa que se irá incrementando segundo vaiamos desenvolvendo as 8 sesións (1 sesión á semana)

Do emocibuzón.com que iniciamos este curso damos paso a este preventivo programa do que esperamos aprender moito de nós e dos demais, respectándonos.

Coidando de NÓS, coidándonos!

4ºEP_Lab. de Son: oficio e tradición... en feminino!

4ºEP_TI_Lab. de Son: oficio e tradición... en feminino!

Leer más publicaciones en Calaméo

Presentamos os dous produtos finais resultado da implementación do Laboratorio de Son en relación co Día da Muller 2022 e a proposta de actividades do noso PDI:

• Podcast Festexamos: entrevista a Mª Jesús Veiga Carrillo, a quen agradecemos a súa dispoñibilidade e amabilidade. Un podcast longo, pero que paga a pena escoitar para valorar o esforzo das Mulleres Redeiras na súa loita por ser visibles e por mellorar día a día, diversificando o seu oficio. Premendo na seguinte imaxe accederedes ao álbum de fotos do laboratorio.

• Caderno de produción propia, resultado da Tarefa Integrada desenvolta a partir da caixa sorpresa que nos deixou Leo, mascota da nosa biblio. Caderno que entregamos en forma de agasallo a Asociación de Redeiras de Corme.

Pechamos o laboratorio coa saída didáctica a Corme, onde visitamos o posto da Asociación de Redeiras Artesás Illa da Estrela entregando os agasallos a Rosa Rodríguez (presidenta da Asociación) e aproveitando para visitar a feira, onde recollemos os prezos de diferentes alimentos para calcular o custe do menú saudable que ideamos por equipos para completar o noso lapbook trimestral. 

Premendo na imaxe accederedes ao álbum de fotos da saída.

Un laboratorio e unha saída que vivenciamos, emocionámonos, aprendemos!

4ºEP_Obradoiro con Julia de la Cal: o vimbio

No día de hoxe, o alumnado de 4ºEP acompañad@s polas familias que puideron asistir, desenvolvemos un obradoiro de vimbio con Julia de la Cal; obradoiros que desfrutou todo o alumnado do centro e que foi posible grazas á Asesoría de Bibliotecas Escolares de Galicia a través das formacións dirixidas a Biblioteca Creativa.

Premendo na imaxe accederedes á galería de fotos das diferentes xornadas desenvoltas ao longo do xoves 10 e venres 11 de marzo para TOD@S.

Agradecemos a asistencia e colaboración das familias, nada máis motivante para @s nen@s que aprender tan ben acompañad@s.

Grazas a Julia de la Cal por ensinarnos a crear cun material tan noso: o vimbio. Deseguro á estrutura creada entre tod@s lle imos sacar moito rendemento na nosa escola: tempos de xogo, de lectura...

Un mes de marzo entre oficios e tradicións... EN FEMININO!

4ºEP_Entroido 2022: Madamit@s do Milladoiro

Presentamos o noso Entroido 2022!

Agradecemos a colaboración da AC Raigañas de Cerqueda para poder celebrar un Entroido moi noso como Madamit@s do Milladoiro.

Premendo no seguinte enlace accederedes ao álbum de fotos da xornada:

4ºEP: Entroido 2022

Feliz Entroido a tod@s!

4º_Día de Rosalía 2022

Un curso máis, Rosalía de Castro protagoniza o mes de febreiro no CEIP Milladoiro.

A aula de 4ºEP celebramos o seu Día, 23 de febreiro de 2022, con actividades variadas ao longo de todo o mes: investigando, comunicando, creando...pensamentos de Rosalía e para Rosalía, seguindo o lema escollido pola Asociación de Escritoras e Escritores en Lingua Galega: #SementadePensamentos.

Feliz Día de Rosalía a tod@s! 

4ºEP_Obradoiro Radio na Biblio

O mércores 9 de febreiro o alumnado de 4º de Primaria e 5º de Primaria, no presente curso Biblioaxudantes de Radio na Biblio, desenvolveron un obradoiro de Radio da man dos profesionais da Asociación Cultural e Pedagóxica Ponte...nas Ondas!

Premendo na imaxe accederedes ao álbum de fotos da xornada.

Coa profesionalidade de Xerardo Feijoo aprenderon a edición dun podcast no programa Audacity e con Damián Alonso a comunicación: volume, entoación, dicción... Pecharon o obradoiro tod@s no patio cunha posta en práctica da Radio en directo.

Un luxo de formación para seguir medrando con Radio Balea... a nosa Radio!

3º e 4ºEP_Lab. de Imaxe: buscando a PAZ!

3º_Visita de Dna. Carmen Trigo

Hoxe desfrutamos da xenerosa visita de Dna. Carmen Trigo, profesora de cociña tradicional e madriña do Laboratorio de Cociña.

Picando na imaxe accederedes ao álbum de fotos da visita. 

Non puidemos ter un peche máis fermoso e saboroso do Laboratorio de Ideas e deste 2º trimestre, pois elaborou a receita "Galletas de nata" que recollemos na nosa plantilla "Receitas queridas" e agasallounos cunha bolsiña de galletas para cada un de nós; así como nos deixou escritas da súa man dúas receitas e imaxes do gran repertorio culinario que atesoura.

Picando na seguinte imaxe accederedes ao álbum de fotos das súas extraordinarias creacións.

 

Agradecer a Dna. Carmen, Carmiña como a coñecen en Malpica, a súa relevante visita por canto representa para o noso colexio e pola súa gran amabilidade con tod@s. Esperamos que volte en máis ocasións para contarnos as historias que se cociñan en cada unha das súas receitas con corazón.

3º_Lab. Ideas: cociñando con-Ciencia

3ºEP_Caderno Receitas Queridas_Lab. Ideas

Leer más publicaciones en Calaméo

Presentamos o noso caderno de "Receitas queridas" e o vídeo-resumo da segunda parte do Laboratorio de Ideas: cociñando con-Ciencia.

Un laboratorio moi productivo, no tocante a: experimentación, investigación, concienciación arredor da igualdade de xénero e a cociña como laboratorio caseiro de aprendizaxe.

Parabéns a todo@s por un trimestre máis, superheroico!

3º_Lapbooks de Ciencias 2º trimestre

Presentamos o vídeo-resumo dos lapbooks de Ciencias elaborados ao longo do 2º trimestre.

Os contidos dos lapbooks enriquecéronse coa implementación dos diferentes laboratorios de aprendizaxe mensuais ou con visitas como a  xornada de surfing, entre outros.

Seguimos transformando a información en coñecemento a través da experiencia, da educación!

3º_Lab. de Ideas: experimentamos

 

Presentamos o vídeo-resumo da primeira parte, experimentamos, do Laboratorio de Ideas que estamos a desenvolver ao longo deste mes de marzo arredor da cociña como laboratorio caseiro de aprendizaxe e a Muller.

Integramos o Lab. de Ideas na nosa programación tratando contidos matemáticos, lingüísticos e reforzando/ampliando contidos dos lapbooks de Ciencias:

• O noso corpo aliméntase (Corpo e Alimentación de C.C. da Natureza)
• Historia da paisaxe (Paisaxe e Historia de C.C. Sociais)

A segunda parte do Lab. de Ideas está en proceso de desenvolvemento, agradecer a colaboración das nosas familias unha vez máis.

Seguimos!

3º_Xornada "Aprende a través del surfing"

Iniciamos novo mes, marzo, participando na xornada "Aprende a través del surfing" que desenvolven conxuntamente a Federación Española de Surfing e Surf and Clean.

As sesións formativas no pavillón da man de One Surf Academy foron moi divertidas e educativas, no tocante á valoración da saúde física, mental e espiritual; así coma respecto e conservación do medio e reforzo de valores coma o respecto, a empatía, a solidaridade, a colaboración entre iguais.

Nesta xornada coñeceron e manipularon distintos materiais propios do surf, moitos deles reciclados, e puxeron en práctica, entre outros, o equilibrio e o traballo en equipo a través de skates e táboas.

Picando na imaxe accederedes ao álbum de fotos da xornada.

Unha vez preparad@s, se a situación actual o permite, realizarán prácticas na praia de forma segura para tod@s!

3º_Lab.de Son: cartas a Rosalía

Presentamos, en formato audiovisual, o proceso de desenvolvemento do Laboratorio de Son que implementamos ao longo do mes de febreiro arredor da nosa querida e ilustre escritora Rosalía de Castro.

Rosalía é emoción en estado puro e a través de actividades varias conformamos o noso portfolio propio, cheo de palabras, emocións, cor...e creamos dous produtos finais que presentamos a continuación: caderno dixital que recolle todas as nosas cartas a Rosalía e o podcast locutado en Radio Balea coa carta final do grupo-clase.

Chegará un novo día no que voltaremos recuperar as nosas vidas, voltaremos ser libres; ata entón non nos olvidemos de sorrir para espantar toda sombra, todo mal; tal e como Rosalía escribe no seu poema "Alborada" de Cantares Gallegos:

Vente aurora,

vente abrindo,

co teu rostro, 

que sorrindo 

a sombra espanta.

3ºEP_Cartas a Rosalía

Leer más publicaciones en Calaméo

3º_Horas ao prato: o reloxo

Presentamos ás horas ao prato: os reloxos, que creamos con pratos biodegradables e algúns materiais máis.

Picando na primeira imaxe accederedes as imaxes do proceso de elaboración.

3º_Entroido 2021: SH 3ºEP

Presentamos o vídeo-resumo do noso lema no presente curso 2020/21: SH 3ºEP.

Un Entroido "diferente", mais non menos divertido; pois estivemos toda a semana moi atentos/as aos mandadiños do Farruco, creando os nosos antefaces de SH e practicando a coreografía final do noso baile superheroico, supercreativo.

No mes de xaneiro comezabamos co Lab. Documental e o libro "Lendas do recreo. A media hora dos heroes", a través do cal reforzamos valores arredor da convivencia escolar e creamos as nosas propias identidades heroicas reflectidas na táboa: Lendas do recreo. SH 3º.

Feliz e saudable Entroido 2021!

3º_MillaInforma: Entroido 2021

A aula de 3º presenta MillaInforma: Entroido 2021, no cal se presentan como os/as auténticos/as SuperHeroes e SuperHeroínas que son.

A través da técnica chroma key no laboratorio de imaxe producimos este informativo para valorar que tod@s somos especiais, temos...superpoderes!

Esperemos que vos guste, nós pasámolo xenial!

3º_Entroido 2021: mandadiños e antefaces SH

Ao longo da semana fomos coñecendo os mandadiños do Farruco para ir completando o noso disfraz.

Hoxe, rematamos os nosos antefaces de SH; así que o venres o disfraz estará máis que completo, só nos quedará bailar e cantar ao ritmo de Paco Nogueiras e algunha sorpresa máis.

3º_Entroido 2021: o Farruco

Esta semana o Farruco sorprendeunos cun cartel informativo Entroido 2021:SH, que nos mantivo á espera do día de hoxe no que fomos ver...

Mandadiño 1: algo sinxelo tes que levar posto na cabeza para comezar.

A vindeira semana comezaremos un Entroido "diferente", pero non menos divertido, no que cada día coñeceremos o Mandadiño do Farruco para vir á escola con obxectos diversos.

Cada obxecto será acumulativo e quedará na aula ata o venres 12 no que os disfraces de SH (Superheroes/Superheroínas) estarán completos e bailaremos coa música de Paco Nogueiras e o seu novo traballo Extra!, dispoñible na nosa Biblioteca.

Picando na imaxe accederedes ao vídeo da canción "Superheroe, superheroína"

Na nosa aula, aproveitando a lectura que compartimos pola Semana da Paz "Lendas do recreo. A media hora dos heroes" confeccionamos unha táboa de SH 3º do Milladoiro.

Ao longo da vindeira semana elaboraremos os antefaces de SH 3º, esperamos sorprendervos!

3º_Lab. Documental: lectura compartida

Presentamos o produto final do Laboratorio Documental que desenvolvemos este mes de xaneiro: Formación de Usuarios e lecturas compartidas con moitos valores.

Como peche do laboratorio levamos o exemplar Lendas do recreo á exposición Leo le...PAZ! xunto co código QR que enlaza a este vídeo e co valor escrito que tratamos e queremos conservar para seguir construíndo un mundo, interior e exterior, mellor: convivencia escolar (amizade, respecto, diversidade...)

Feliz Día da Paz a tod@s!