4ºEP_ Un 25-N de cores!

 Ola BALEATOS!

O 25 de novembro conmémorase o Día Internacional da Eliminación da Violencia contra a Muller e dende a biblio convidóusenos a crear unha receita médica VIO. Ademais, tivemos que buscar palabras ocultas con tinta invisible e escribir outras novas para o resto do cole! 

Clicade na imaxe para acceder á galería de fotos da actividade.

Para poder colocar no panel a nosa receita médica, limos o libro "As uñas de cores", de Luis Amavisca, do que extraímos a idea global de que ninguén nos pode dicir nunca que debemos facer ou como debemos comportarnos. En honor ao protagonista da historia, fixemos un taller no que, entre toda a clase, pintamos as uñas de diferentes cores. Tivemos a gran sorte de contar con Deni, á que botábamos moitísimo de menos.

Clicade na imaxe para acceder á galería de fotos da actividade.

3º_25N, liberándonos das etiquetas que nos pesan!

Hai un par de semanas, a nosa profe propúxonos que elaborásemos unha actividade para conmemorar o 25 de novembro, día contra a violencia machista. Entre todas as ideas, finalmente, fixemos un mural no cal quixemos visibilizar as etiquetas que nos poñen por ser nena ou neno e que nos pesan (algunhas pésannos mooooito). Pero tamén quixemos compartir cales son as que nos liberan e nos fan ser persoas máis libres e respetuosas. 

Despois, a través da técnica do collage, quixemos amosar quenes queremos ser unha vez que nos quitamos a mochila do machismo e nos colgamos a do feminismo, e este é o resultado! Quitándonos a mochila do machismo conseguimos un mundo sen desigualdade e libre de violencias machistas!

(preme na imaxe para acceder á galería)

Apertas violetas!

4º_Experimentamos e dialogamos

 

Hoxe, 25N, cambiamos a visión xunt@s!

Premendo na imaxe poderedes acceder ao álbum de fotos da xornada.

Comezamos a xornada experimentando en cada exposición de aula: experimentos que tod@s compartimos polos corredores do colexio, que se transformou nun gran laboratorio para conmemorar o mes da Ciencia en Galego nas Bibliotecas.

Pechamos a xornada co mural Visión 3D: Diálogo, Dereitos e Dignidade, arredor do cal reflexionamos, experimentamos coa visión 3D, eleximos dous títulos para compartir na aula e deixamos a nosa pegada.

De volta á aula compartimos lecturas de vida e dialogamos sobre a igualdade de xénero coa presentación da actividade realizada pol@s compañeir@s que asisten a Valores Sociais e Cívicos coa mestra María: mochilas que pesan e mochilas que nos liberan.

Seguimos CON-CIENCIANDO!