4º EP_ Galiletras: POESÍA

Este curso escolar, o alumnado de 4º de primaria converteuse en poetas. Despois de moita práctica coas rimas, conseguimos crear, en equipo cooperativos, 3 poemas de produción propia que serán recitados no Festival das Letras do próximo 14 de maio.

Esperamos que vos gusten!!

Galiletras 4º EP 2026 de bibliotecamilladoiro

3º e 4º_ Visita guiada aos murais de Carballo

 Ola baleatos!

Enmarcada dentro do noso PDI MarabillARTE, o alumnado de 3º, 4º e 5º de primaria acudiron a unha visita guiada polos murais de Carballo. Maite foinos guiando polos distintos murais, explicando o proceso de creación e aspectos relevantes das obras.

Clica na imaxe para acceder á galería!

4º EP_ Páxina do decálogo inclusivo para o Día da Discapacidade

 Ola Baleatos!!

O alumnado de 4º EP creou a súa páxina para o Decálogo Inclusivo do centro. Ademais, fixemos un programa para o podcast "MillaInforma", no que vos ofrecemos información sobre a discapacidade física e intelectual e o trato que merecen que lles deamos á xente que as padece. Se escaneades o código QR da imaxe, podedes escoitalo!

Fumos á aula taller imprimir as palabras da nosa frase "Todos merecemos o mesmo trato" e as pegamos na nosa páxina do decálogo, que mostramos a continuación.

Esperamos que vos guste!

3ºEP_Decálogo inclusivo pola disCAPACIDADE

  

Presentamos a páxina da aula de 3º para o Decálogo inclusivo pola disCAPACIDADE, dentro da proposta de actividades de centro.

Unha páxina que recolle un dos nosos lemas de aula, "Somos UNIC@S", xunto coas palabras de cada plantilla-peixe facilitada pola titora de 4º de infantil.

Despois de ler "Nadarín" de Leo Lionni, pensamos nas nosas capacidades, nas nosas fortalezas para escribir dentro de cada peixe unha soa palabra que nos definira, tal e como podedes ver na seguinte imaxe. Os peixes xa forman parte do mural colectivo creado pola aula de 4º de infantil.

Hoxe, e todos os días do ano, sexamos unic@s, divers@s!

4º EP_ XVI lecturas terroríficas: O lobishome sen dentes

 Co gallo das XVI lecturas terroríficas do CEIP Milladoiro, o alumnado de 4º EP elaborou un texto de produción propia titulado "O lobishome sen dentes".

Podedes ver o vídeo da actuación clicando na imaxe!

Pasádeo moi ben por Samaín!!

4º EP_ Cabaza creativa por Samaín!

 O alumnado de 4º EP fixo unha reinterpretación da famosa cabaza de Yayoi Kusama. Cortaron tiras de cartolina, as pintaron con puntos de diferentes cores e as pegaron para formar así a súa propia cabaza.

Podes acceder á galería pinchando na imaxe!

3º_Sesións na Biblioteca-Leolab

Premer na imaxe para acceder á galería de fotos

Iniciamos novo ciclo e novo nivel, xa estamos en 3º de primaria, pero hai sesións que seguen a ser as nosas preferidas: ler, investigar, crear, compartir, xogar... na Biblioteca-Leolab!

Espazos e recursos creativos que nos permiten desenvolver o pensamento empático, crítico e creativo, ao tempo que nos divertimos aprendendo.

Continuará...

2ºB, 3º e 4º EP_ Reconstruímos libros con... LEGO!

 Para festexar a Semana do Libro, o alumnado de 2ºB e 3º de primaria e 4º de primaria diseñou, con pezas de LEGO, portadas de contos e libros.

Por equipos, seleccionaron o libro e puxéronse mans á obra. Despois, elaboramos unha exposición ao lado da aula de arte, no 2º andar. Unha experiencia moi bonita que, deseguro, repetiremos!

Clica na imaxe para acceder á galería. 

4ºEP_ Mulleres por carta

 A clase de 4ºEP participou na iniciativa "Mujeres por carta". Nela, as alumnas e alumnos teñen que escribir cartas sobre algunha muller importante a outra aula de España. Podedes consultar algunhas das iniciativas que levan a cabo clicando aquí. 

Como, para a celebración da "Semana da Muller" organizada polo cole, investigamos sobre Sés, cada equipo da aula redactou unha carta creativa e, entre todas e todos, elaboramos un collage sobre ela. Tamén lles mandamos unha copia do traballo realizado para o mural do cole.

Unha vez redactadas as cartas, as metimos nun sobre e fomos a Correos. Enviamos a carta e esperamos a que chegase a nosa. Viña de Elche, Alicante! Dentro do sobre había moitas cartas que falaban de mulleres nacidas nesa cidade. Tamén nos mandaron unha carta con información sobre Elche e alucinamos co seu incrible Palmeral!

Repetiremos seguro!

Clica na imaxe para acceder á galería:

4º EP_ Facemos madalenas saudables na cociña!

Ola BALEATOS!

Hoxe, xoves, 26 de outubro, acudimos á cociña do cole para facer a primeira de moitas receitas saudables deste curso: madalenas!

A nosa receita era para 11 madalenas pero, como somos 13 alumnos/as na aula, tivemos que calcular para facer o dobre. O xoves anterior fomos ao súper a comprar os ingredientes que non había na cociña.

Todo un éxito! Repetiremos seguro!

Clica aquí para ver as imaxes

4ºEP_Retos LeoLab... cumpridos!

 

O Equipo Tecnolóxico elaborou diversos retos creativos/construtivos para realizar no LeoLab e por niveis de dificultade, seguindo as cores dos nives lectores da nosa Biblio: verde (principiantes), amarelo (autónomos) e vermello (expertos)

Despois da andaina solidaria, chegamos ao cole moi relaxad@s e rematamos o día no LeoLab para desenvolver a nosa gran creatividade e...

RETOS MÁIS QUE CUMPRIDOS! 

4ºEP_Obradoiro con Julia de la Cal: o vimbio

No día de hoxe, o alumnado de 4ºEP acompañad@s polas familias que puideron asistir, desenvolvemos un obradoiro de vimbio con Julia de la Cal; obradoiros que desfrutou todo o alumnado do centro e que foi posible grazas á Asesoría de Bibliotecas Escolares de Galicia a través das formacións dirixidas a Biblioteca Creativa.

Premendo na imaxe accederedes á galería de fotos das diferentes xornadas desenvoltas ao longo do xoves 10 e venres 11 de marzo para TOD@S.

Agradecemos a asistencia e colaboración das familias, nada máis motivante para @s nen@s que aprender tan ben acompañad@s.

Grazas a Julia de la Cal por ensinarnos a crear cun material tan noso: o vimbio. Deseguro á estrutura creada entre tod@s lle imos sacar moito rendemento na nosa escola: tempos de xogo, de lectura...

Un mes de marzo entre oficios e tradicións... EN FEMININO!

3º e 4ºEP_Lab. de Imaxe: buscando a PAZ!

4º_Micro Bit: agasallo de Nadal!

Vaia agasallo de Nadal, alfabetización informática con Micro Bit!

Grazas á formación impartida pola mestra Marta, equipo tecnolóxico, coñecemos a linguaxe de programación para configurar a placa Micro Bit e que pase a formar parte da nosa árbore de Nadal.

Premendo na imaxe accederedes á galería de imaxes da sesión.

O programa que empregamos deixámolo no seguinte enlace, por se algunhas das peticións aos Reis Magos é un kit Micro Bit para seguir aprendendo, creando; pois saímos encantados da sesión.

Programa o teu Micro Bit

E o resultado final, despois de programar o Micro Bit da nosa aula é... leds que se iluminan para representar un corazón e letra a letra "A aula de 4º deséxavos Bo Nadal!", con música incluída:

Un pasiño máis dentro da biblioteca creativa!

3º_Lab. de Ideas: construíndo un mundo mellor!

Presentamos o vídeo-resumo do Laboratorio de Ideas que complementa o Laboratorio de Son: o mundo escríbese...con X!

Atendendo ao noso PDI Visión 3C en relación coa Axenda 2030 e o Día do Medio Ambiente, que se celebra no día de hoxe, construímos por equipos 4 maquetas/construcións ecolóxicas e creativas.

Pechamos un curso de experiencias compartidas arredor, entre outros, dos laboratorios de aprendizaxe.

O vindeiro curso seguiremos divertíndonos aprendendo!

3º_Lapbook de Ciencias 3º trimestre

 

Rematamos o último lapbook do curso integrando as Ciencias co PDI Visión 3C, coa Axenda 2030 mediante os diferentes laboratorios de aprendizaxe.

Un lapbook co que traballamos por equipos desenvolvendo, entre outras aprendizaxes, a alfabetización en información; creando así as nosas propias lapelas.

A última actividade que realizamos arredor do tratamento do seu contido foi redactar entre tod@s unha instancia (expoñemos-solicitamos) dirixida ao Sr. Alcalde de Malpica cos puntos que consideramos deben ser cumpridos para mellorar a vida da poboación de Malpica e respectar o medio: Axenda 2022 do Concello.

Premendo na imaxe accederedes ao álbum de fotos.

O vindeiro curso seguiremos construíndo!

3º_Mes das Letras e Lab. de Son

Presentamos o vídeo-resumo do proceso de desenvolvemento do Laboratorio de Son no que conmemoramos as Letras Galegas 2021 adicadas a Xela Arias en relación cos ODS da Axenda 2030.

Un laboratorio emocionante e moi productivo grazas ao traballo en gran grupo, por equipos no que integramos, ao longo do noso Mes das Letras, os ámbitos lingüístico e científico a través de diversas tarefas, así: 

• Achegámonos á autora homenaxeada a través de diferentes exemplares da nosa Biblioteca, portofolio individual, recursos en liña e recursos audiovisuais.
• Plantamos...ideas naturais! no Laboratorio de Ciencias, partindo do conto de Xela Arias A fraga dos paxaros faladores e a fraga leopardicia, reciclando ovos de parrula coma testo, serraduras das árbores da fraga coma substrato e comida de paxaros, alpiste, coma semente. Dándolle vida ao testo obtemos unha cabeza da que medran ideas moi, moi naturais!
• Ideamos a nosa produción propia escrita Construíndo un mundo mellor! con versos de Xela Arias e versos da nosa creación en relación con algúns dos ODS da Axenda 2030 que tratamos ao longo do curso.
• Confeccionamos a manualidade Día da Familia 2021, destacando a nosa produción propia e versos de Xela Arias.
• Reciclamos coas caixas Xunt@s 3.21 construirtiX contando así con materiais de refugallo para as nosas creacións/maquetas do Laboratorio de Ideas, último laboratorio de aprendizaxe do curso, as cales formarán parte da exposición final do PDI Visión 3C.
• Elaboramos, MateCreando, a última exposición de aula Letras Galegas 2021. Lab. de Son e Lab. de Ideas.
• Gravamos o programa Festexamos: o mundo escríbese con X , que podedes escoitar a continuación.

Feliz Día das Letras Galegas e...

a seguir construíndo un mundo mellor!

Creatividade con Pablo Otero

PABLO OTERO - Kizoa Movie Maker

A  Asesoría de Bibliotecas Escolares concedeu aos centros Plan LIA2 unha xornada de formación para o alumnado dentro da programa Biblioteca Creativa.

Os obradoiros ofertados eran todos moi interesantes, pero neste caso decantámonos por Pablo Otero, un gran artista e ilustrador, que nos axudou a sacarlle máis partido á parte creativa e imaxinativa do noso LeoLab; xa que dentro do PDI Visión 3C, neste trimestre traballamos a construción  a partir das 3R: Reducir, Reutilizar e Reciclar.

                             

Nesta formación participaron os cursos de 2º e 3º de Educación Primaria, que gozaron cun obradoiro sobre letras, Alfabetos, e o curso 4º de Educación Primaria que realizaron o obradoiro Como me ves? Unha experiencia sobre retratos, autorretratos e outros animais fantásticos.

Nesta xornada formativa, tras escoitar e ver as mostras que trouxo Pablo, e os consellos para sacar o máximo rendemento a toda a nosa imaxinación e fantasía, o alumnado púxose mans á obra e tiveron que crear letras do alfabeto ou realizar un retrato dun compañeiro/a, utilizando os materiais, recursos e ferramentas dispoñíbles no LeoLab. Foi unha xornada na que, a partir da reciclaxe e reutilización de materiais, o alumnado tivo que pensar, organizar, planificar e desenvolver a súa imaxinación. PASÁRONNO XENIAL!!!

Picando na imaxe accederedes ao álbum de fotos da xornada.

Moitísimas grazas a Pablo, foi un gran pracer e grazas á Asesoría por concedernos esta oportunidade!

3º_Día do Libro 2021-Lab. de Imaxe

Presentamos o vídeo-resumo do Laboratorio de Imaxe que desenvolvemos ao longo do mes de abril para celebrar o Día do Libro 2021.

Despois de repasar a Guía de Usuari@s da nosa Biblioteca para realizar os empréstitos á aula e á domicilio preparamos e gravamos os booktubers que publicamos no blog Leohle.

O traballo por equipos permitiunos elaborar catro carteis que se corresponden con catro títulos diferentes e reflicten a imaxe da creación realizada no LeoLab e a edición do código QR que enlaza ao booktuber do libro.

No día de hoxe, venres 23 de abril, fomentamos lectura por Malpica coa pegada dun cartel, elexido por maioría, e os demais carteis creados forman xa parte da nosa exposición de aula.

Un laboratorio lector e creativo co que desfrutamos construíndo experiencias, fomentando lectura na nosa comunidade!

3º_Lapbooks de Ciencias 2º trimestre

Presentamos o vídeo-resumo dos lapbooks de Ciencias elaborados ao longo do 2º trimestre.

Os contidos dos lapbooks enriquecéronse coa implementación dos diferentes laboratorios de aprendizaxe mensuais ou con visitas como a  xornada de surfing, entre outros.

Seguimos transformando a información en coñecemento a través da experiencia, da educación!