3º_Ollo Vermello

Presentamos a nosa creación co binomio fantástico de Rodari para a XI Semana das Lecturas Terroríficas, non contamos con público pero alegrounos moito poder voltar subir ao escenario da nosa Biblioteca.

Pasámolo xenial creando a historia en gran grupo e editándoa xuntos/as, faltounos o noso compañeiro Alexis por coincidir o horario da Biblioteca co día que el está no centro de E.E. por iso a nosa actuación vai adicada a el.

Esperamos compañeiros/as que a desfrutedes tanto coma nós e...

FELIZ SAMAÍN, A LER SEN FIN!

3º_Binomio fantástico Rodari

Seguindo o PDI anual e as actividades propostas pola XE e o equipo de BE-NL para este 1º trimestre de curso, iniciamos a creación da nosa propia historia de misterio/medo coa dinámica de Gianni Rodari: binomio fantástico.

Montamos os nosos cubos que en cada cara recollían unha parella de palabras ou binomio fantástico para comezar a crear as nosas historias poñendo en práctica a técnica.

Comezamos a crear, en gran grupo, a nosa propia historia para a XI Semana das Lecturas Terroríficas que este ano serán presentadas ao resto de compañeiros/as en audio ou vídeo, a través dos blogues de ciclo,  ante a imposibilidade de reunirnos todos/as na nosa Biblioteca.

Picando na imaxe accederedes ao álbum de fotos do inicio desta actividade que tanto nos está gustando.