Elaboramos os vasiños para as "uvas", para posteriormente darlle a benvida ao vindeiro ano 2021.
Tomamos chocolate con churros e ata bailamos!!!!
Pica na imaxe para ir á galería.
Ao longo do mes de novembro, adicado á Ciencia en galego nas Bibliotecas Escolares, a proposta era implementar o Laboratorio Experimental empregando o método científico e o uso da Biblioteca para a búsqueda de información en galego.
Na aula de 4º, estabamos a traballar sobre os fenómenos naturais que se producen no interior da Terra. A partir deste tema xurdiu a idea de elaborar a nosa propia lámpada de lava, simulando as forzas internas terrestres.
O noso compañeiro Jason trouxera á clase anteriormente unha incrible maqueta feita coa súa familia dun volcán.
Materiais a empregar: auga, envase de plástico reciclado, colorante alimentario e unha pastilla efervescente e......LÁMPADA DE LAVA en acción!!!
Seguiremos comunicando!
Os laboratorios de aprendizaxe LeoLab tiveron que ser reorganizados para adaptarse á delicada situación sanitaria do noso concello, da nosa comunidade educativa. Así pasaron a ser impartidos polos/as titores/as co seu grupo-clase, adicando cada mes a un laboratorio.
Ao longo do mes de novembro, adicado á Ciencia en galego nas Bibliotecas Escolares, a proposta foi implementar o Laboratorio Experimental empregando o método científico e o uso da Biblioteca para a búsqueda de información en galego.
Na aula de 3º integramos o Lab. Experimental no lapbook de C.C. Sociais, centrándonos na atmósfera e o fenómeno atmosférico: as nubes.
Por que, como, onde se forma este fenómeno atmosférico? Que é o fenómeno pareidolia? Que é un cúmulo? Observamos, buscamos información, realizamos hipóteses e experimentamos para sacar conclusións.
Un laboratorio entre nubes!
Creamos os nosos avatares para poder editar a imaxe do noso perfil na Aula Virtual (AV)
Ante posibles confinamentos iniciámonos, con titorial en man, no acceso e uso da AV.
Picando na imaxe accederedes ao álbum no que se recollen todos os avatares que creamos, as nosas imaxes virtuais.
Un outono de palabras e pictogramas para emocionarnos, comunicarnos, expresarnos porque temos dereito a ser escoitados/as nun mundo diverso.
Un proceso moi fermoso que nos levou dende a creación das nosas propias nubes de palabras e nube de pictogramas partindo do poema "Palabras" de Gianni Rodari e o traballo da simetría para confecionar as follas de outono ata a técnica plástica para debuxar os pictogramas usando o pictotraductor en liña (https://www.pictotraductor.com/) e o tratamento dos Dereitos da Infancia.
Picando na imaxe accederedes ao ficheiro desta emocionante Tarefa Integrada.
Os xoves baixamos á biblioteca a realizar os empréstitos dos libros, un deles é o que lemos e co que realizamos esta actividade na HORA de LER.
Tamén collemos outros que levamos para ler na casa, á seguinte semana entre o luns e o martes ímolos traendo e colocámolos na caixa DE LER da clase en coarentena para poder baixalos a biblio o xoves.
Pica a imaxe para acceder á galería.
Presentamos a nosa creación co binomio fantástico de Rodari para a XI Semana das Lecturas Terroríficas, non contamos con público pero alegrounos moito poder voltar subir ao escenario da nosa Biblioteca.
Pasámolo xenial creando a historia en gran grupo e editándoa xuntos/as, faltounos o noso compañeiro Alexis por coincidir o horario da Biblioteca co día que el está no centro de E.E. por iso a nosa actuación vai adicada a el.
Esperamos compañeiros/as que a desfrutedes tanto coma nós e...
FELIZ SAMAÍN, A LER SEN FIN!
Quen dixo medo? Un Samaín fantástico!
Esta semana iniciamos os Laboratorios de Aprendizaxe LeoLab para o alumnado de 3º a 6º de E.P. porque PÓDESE seguir ensinando, educando con metodoloxías activas nas que todo o noso alumnado sexa protagonista das súas aprendizaxes.
O Laboratorio Documental 1 levouse a cabo co subgrupo de alumnado de 3º, o grupo 1: 3ºA.
A exposición Fantasía Rodari serviu de punto de partida á primeira sesión deste laboratorio, no cal investigamos e puxemos en práctica como se identifican os libros.
Libros de Gianni Rodari e outros/as autores/as da nosa Biblioteca, celebrando así o centenario do autor (23 de outubro) e o Día das Bibliotecas (24 de outubro)
Picando na imaxe accederedes ao álbum de fotos da sesión.
Seguindo o PDI anual e as actividades propostas pola XE e o equipo de BE-NL para este 1º trimestre de curso, iniciamos a creación da nosa propia historia de misterio/medo coa dinámica de Gianni Rodari: binomio fantástico.
Montamos os nosos cubos que en cada cara recollían unha parella de palabras ou binomio fantástico para comezar a crear as nosas historias poñendo en práctica a técnica.
Comezamos a crear, en gran grupo, a nosa propia historia para a XI Semana das Lecturas Terroríficas que este ano serán presentadas ao resto de compañeiros/as en audio ou vídeo, a través dos blogues de ciclo, ante a imposibilidade de reunirnos todos/as na nosa Biblioteca.
Picando na imaxe accederedes ao álbum de fotos do inicio desta actividade que tanto nos está gustando.
O pasado curso realizábamolo en familia levando un libro na bolsiña viaxeira coa actividade a completar.
No presente curso, esta actividade realizámola ao longo da semana nas sesións Hora de Ler e se non nos dá tempo de rematar o libro levámolo a fin de semana. Os luns depositamos todos os libros na caixa-corentena da aula.
Encántanos baixar á BE a realizar os empréstitos dos libros e colocar o noso marcador persoal Leo no lugar de onde retiramos o exemplar, unha maneira de axudar a manter ordeada a nosa Biblio.
Ler e contar, todo é comezar!
Iniciamos o curso coa TI 0: Emocionbot, conecta coas emocións!
Despois da asemblea de emocións: confinamento, inicio de curso..., deseñamos o noso emocionbot no que gardar os nosos escritos emocionais que será o produto final que exporemos na aula ao resto de compañeiros/as.
Nunha das sesións baixamos ao patio para ser robots por parellas: programamos, executamos ordes...e puxemos en práctica a comunicación non verbal decatándonos do importante que son as expresións faciais para comunicarnos.
Picando na imaxe accederedes ao álbum de fotos da sesión.
En vindeiras entradas presentarémosvos os nosos emocionbots.
Seguimos...emocionándonos aprendendo!
A aula de 3º, xa estamos de volta!
Iniciamos o curso 2020/21 presentándonos no patio a través da dinámica "Todos/as ao centro": escribimos o noso nome e debuxamos o emoticono de como nos sentimos na estrea deste novo curso escolar.
Damos a benvida aos nosos novos compañeiros: Ainoa Njoku, Alexis Ramos e Mara Rega.
Picando na imaxe accederedes á galería de imaxes da sesión, que este curso se almacenan na páxina web do colexio.
A por un curso cargado de emocións!
O xoves 10 de setembro o alumnado de 3º E.P. voltará ao cole!
O venres 11 de setembro o alumnado de 4º E.P. voltará ao cole!
Dous días para un inicio do curso 2020/21 escalonado.
Temos ganas de voltar a vervos, de estar xuntos/as de novo na nosa escola para seguir divertíndonos aprendendo.
Só desexamos que poidamos navegar todo o curso, como bos baleatos, nun mar de emocións, descubrimentos, experiencias, vivencias...no noso cole, ningún sitio mellor para aprender, para soñar...
Bo comezo de curso, coidando dos demais e coidándonos.
↖↖Carla↘↘ 😊
