20/04/24

CROS (FINAL PROVINCIAL) Martín Martelo (3º E.P.) e Antía Castro (4º de Educación Primaria)

 O pasado venres 12 de abril, duas alumnas do centro (Alexia de 2º de E.P. e Antía de 4º de E.P.) e Martín Martelo de 3º de Educación Primaria, foron a Porto do Son á final provincial de Cros. 

As dúas, xunto a Martín foron as únicas clasificadas do centro na carreira comarcal que le levou a cabo en Carballo (Carreira comarcal de Cros en Carballo).
Esta actividade encádrase dentro do Plan Proxecta  "Proxecto de Vida Activa e Deportiva (PVDA), no cal o noso centro participa por primeira vez dende o programa XOGADE, impulsado pola Xunta de Galicia.

Martín Martelo resultou gañador da carreira na categoría benxamín masculino. Moi bo traballo Martín, e parabéns pola túa segunda victoria nestas carreiras!!

Dende aquí o noso recoñecemento as tres deportistas polo seu bo facer!!!


08/03/24

4ºEP_ Entrevistas fantásticas polo 8M_ Gloria Fuertes

 Ola Baleatos!

Para o día da muller estivemos investigando a biografía e obra de Gloria Fuertes, para así poder realizarlle unha entrevista fantástica en Radio Balea.

Despois de consultar información en diferentes medios (libros, fichas de comprensión, internet...), acudimos á radio para gravar o noso programa. Alí, estivemos repasando os feitos máis importantes da súa vida baixo o punto de vista da rapazada, saíndo como produto unha entrevista tan chula como a que podedes escoitar clicando aquí. 

Ademais da propia entrevista, no podcast tamén facemos un xogo chamado "Real ou fantástico?", no que comprobaredes por vós mesmos se estivéchedes ou non atentas/os durante a entrevista. Tamén, ao final, recitamos un dos nos poemas favoritos da autora: "Cómo dibujar un niño".

Por último, para expoñer a nosa entrevista na biblioteca, elaboramos un vídeo que podedes ver a continuación, clicando na imaxe.



Elaborado por Belén García Varela

3ºEP_Entrevista fantástica: Olimpia Valencia

A aula de 3º EP presentamos a nosa entrevista fantástica a Olimpia Valencia, primeira muller galega licenciada en medicina, en relación co PDI "Medicus curat natura sanat"

A vindeira semana presentarémola na nosa biblio, celebrando a Semana da Muller 2024.

Feliz Día da Muller 2024!

15/02/24

4ºEP_ Somos podcasters do Universo

Ola BALEATOS!

Velaquí tedes o noso podcast coas preguntas que sempre vos fixéchedes sobre o Universo. Esperamos que o desfrutedes:

https://go.ivoox.com/rf/124331665



03/02/24

CARREIRA DE CROS EN CARBALLO

 O pasado venres 26 de xaneiro os grupos de 2º, 3º e 4º de Educación Primaria, participaron na carreira de Cros que se celebrou en Carballo.

Foi unha bonita experiencia onde os nenos e nenas puxéronse a proba e desfrutaron dunha nova experiencia facendo deporte.

Esta actividade encádrase dentro do Plan Proxecta  "Proxecto de Vida Activa e Deportiva (PVDA), no cal o noso centro participa por primeira vez dende o programa XOGADE, impulsado pola Xunta de Galicia.

Parabéns a todos e todas e facemos unha mención especial a Antía C de 4º de Primaria. e Alexia V. de 2º de Primaria que lograron clasificarse para a seguinte rolda e Martín M. de 3º de Primaria como gañador da carreira da súa categoría.

Ligazóns da prensa:

https://www.lavozdegalicia.es/noticia/carballo/carballo/2024/01/27/manana-carreras/0003_202401C27C8991.htm

https://www.carballo.org/novas.php?id=9272&idioma=gl&sec=30

https://www.diariodebergantinos.com/articulo/bergantinos/carballo-pone-correr-casi-mil-jovenes-once-colegios-comarca-4696142

CLASIFICACIÓN:

https://atletismo.gal/wp-content/uploads/2024/01/RCARBALLO260124.pdf

Compartimos imaxes desta festa deportiva na que participaron preto de 1000 nenos e nenas da Comarca de Bergantiños facendo click na de abaixo:


Compartimos tamén vídeo da saída da categoría benxamín feminino que demostra a grande afluencia de participación e a dificultade da carreira:



25/01/24

4º EP_ Visita a SOGAMA con 5º e 6º EP


Ola Baleatos!

Este martes, 23 de xaneiro, fomos de visita a SOGAMA (Sociedade Galega do Medio Ambiente), xunto a 5º e 6º de primaria.



Como ben sabedes todas e todos, o grupo de 4º EP somos os Policías do Lixo e encargámonos de coidar que as aulas do cole estean limpas de residuos. Ademais, revisamos que estean ben reciclados. 

Aínda que investigamos un montón sobre a contaminación e a necesidade de reciclar no cole, había cousas das que estabamos equivocados e que explicaremos ao resto das aulas durante unha Hora de Ler. Algunhas delas serán as seguintes:

- Os residuos que tirabamos en plásticos, a partires de 3º de Educación Primaria, dividiranse en dúas papeleiras: a de envases e a de fracción resto. 

- Os envases dos medicamentos, acabados ou caducados, deben levarse ao punto limpo da farmacia.

- As pilas son moi contaminantes. Non se tiran na papeleira, senón que se levan a un punto limpo.

- Hai moitos puntos limpos repartidos polas rúas dos Concellos: de roupa, de pilas ou de aceite, por exemplo. 

Ademais, tivemos a oportunidade de ver as máquinas do complexo e como funcionaban cunhas gafas de Realidade Aumentada (RA) e xogar a un videoxogo para saber se estivemos atentas e atentos á explicación que nos deran as monitoras. Todo un éxito!

Por último, percorremos as instalacións no autobús, onde fomos pasando por todas as partes do complexo. O que máis nos sorprendeu foron a cantidade de lixo almacenado para separar, o tamaño dos cubos de lixo preparado para enviar a reciclar ou as cinzas do material co que producen enerxía eléctrica e que almacenan nunha fosa na que van facendo capas. 

Agora si que podemos dicir que case somos expertos na reciclaxe... Axudádesnos a proseguir o camiño?


Clica aquí para acceder á galería de imaxes.

20/12/23

Postais de Nadal dixitais

 Ola Baleatos! 

A principios de decembro, Leo, a través dunha postal, convidounos a crear unha postal de nadal dixital para enviar a quen nós quixésemos.

Despois de moito pensar, decidimos enviala ao Centro Hospitaralio Teresa Herrera (Materno Infantil) da Coruña. Esperamos ter resposta pronto e levar con eles e elas unha correspondencia periódica!

Aquí tedes a postal enviada polo alumnado de 3º de Educación Primaria:



4º de Educación Primaria realizou a súa na aplicación web Canva (https://www.canva.com/) e obtivemos este resultado (podedes acceder á galería de imaxes da actividade se clicades na postal): 


O pasamos bomba realizando esta actividade!
Esperamos ter resposta á volta de vacacións!

Felices festas

29/11/23

Saída á DOMUS

 Ola Baleatos!

Hoxe, 29 de novembro, fomos de excursión á DOMUS.

Primeiro, fixemos un obradoiro no laboratorio do museo, no que distinguimos as diferentes partes dunha flor e fixemos con elas unha infografía.

Logo de merendar, visitamos libremente o museo, no que aprendimos moitas cousas que están relacionadas co PDI do noso centro "Medicus curat, natura sanat": sobre o corpo humano, os ODS2030, os nosos antepasados... Descubrimos un montón de curiosidades científicas que non coñecíamos.

Clica na imaxe para ver as fotos desta actividade.



27/11/23

4ºEP_ Un 25-N de cores!

 Ola BALEATOS!

O 25 de novembro conmémorase o Día Internacional da Eliminación da Violencia contra a Muller e dende a biblio convidóusenos a crear unha receita médica VIO. Ademais, tivemos que buscar palabras ocultas con tinta invisible e escribir outras novas para o resto do cole! 

Clicade na imaxe para acceder á galería de fotos da actividade.


Para poder colocar no panel a nosa receita médica, limos o libro "As uñas de cores", de Luis Amavisca, do que extraímos a idea global de que ninguén nos pode dicir nunca que debemos facer ou como debemos comportarnos. En honor ao protagonista da historia, fixemos un taller no que, entre toda a clase, pintamos as uñas de diferentes cores. Tivemos a gran sorte de contar con Deni, á que botábamos moitísimo de menos.

Clicade na imaxe para acceder á galería de fotos da actividade.




31/10/23

4º EP_ Un Samaín... DE MEDO e calma!

Ola BALEATOS!

Esta semana estivemos realizando diferentes actividades relacionadas co Samaín.

Estivemos traballando os nosos medos e formas para calmar esa angustia que producen. Premede na imaxe e observade os medos e situación de calma da rapazada!


Nas Horas de Ler destes últimos días fomos á biblioteca para celebrar a XIV Semana de Lecturas Terroríficas. Participamos realizando a adaptación do capítulo 25 do libro "As crebas da memoria", de Olga Rodríguez. A nosa adaptación quedaría así:

ALBERTO E AS LUCES DA COMPAÑA

Adaptación do capítulo 25 do libro “As crebas da memoria”, de Olga Rodríguez

Recordades a Alberto? É o bocadillo parlante que inventamos o curso pasado por estas datas e que usou todas as súas dotes para salvar á súa familia. Pois hoxe vai estar nesta historia.

Cando o mundo era doutra maneira, a xente de Malpica xuntábase arredor da lareira ao atardecer. Nestas reunións, os veciños contaban sucesos, desgrazas, inquedanzas e historias. Alberto reunía á xente na súa casa sempre que podía porque lle encantaba contar historias de medo.

Unha noite, despois de rematar o seu conto, foi camiñando á casa dos seus avós para durmir alí. Polo camiño ía cantando: “Pola noite, polo monte, vou á casa dos meus avós”. Sentía moita alegría pero, de repente…

Viu unha luz descoñecida! Estaba no medio do campo e era tan grande, intensa e fría que comezou a tremer de medo. Antes de botar a correr, viu unha sombra estraña ao seu carón. Era a Santa Compaña! Tiña tanto medo que tardou un minuto en chegar á casa dos avós.

Cando chegou, a súa avoa preguntoulle: “Por que chegas tan pronto?”.

- Veu a Santa Compaña! Unha catástrofe vai pasar! – dixo Alberto, agarrado aos brazos do seu avó.

Para tranquilizalo, os avós déronlle un Colacao quente e moitos bicos. Ao día seguinte, unha chamada espertou a Alberto. O seu bisavó morrera sen saber porque.

Despois do enterro, Alberto fixouse nun fouciño que estaba ao lado da tumba. Nel reflexouse unha sombra: a da Santa Compaña. Cheo de furia pola morte do seu bisavó, Alberto deuse a volta e lanzoulle queixo fundido por todo o corpo. Foi a única vez que a Santa Compaña fuxiu e tivo medo.


Clica aquí para consultar a publicación do blogue da biblioteca do centro.

Tamén creamos a nosa caixa sensorial e acudimos ao resto de aulas do cole para meter as mans nas caixas sensoriais de Samaín para pringarnos e pasar un rato boísimo, compartindo experiencias con outros grupos do cole! Clica aquí para ver as imaxes!

Ata a próxima!