16/06/23

3º EP_ Saída a Marcelle con 1º e 2º EP

 O pasado mércores, 14 de xuño, fomos pasar o día a Marcelle para celebrar o fin de curso.

Foi unha experiencia realmente enriquecedora, encantounos ver tantos animais diferentes e con tanto espazo para vivir cómodos. Os guías ensináronnos moitísimas cousas, que experiencia tan chula!!

Clica na foto para acceder á galería da excursión!



06/06/23

3º EP_ Saída ao Parlamento con discurso incluído!

Ola BALEATOS!
Hoxe fomos de excursión ao Parlamento de Galicia para participar na Campaña Mundial pola Educación (CME) 2023.

Ademais de poder ver por dentro o Parlamento, tivemos a sorte de ler diante do Conselleiro de Educación un discurso no que deixamos claros varios puntos: o afortunados que somos por todos os recursos que ten o cole, a igualdade é un dereito universal para  a infacia e a importancia da concienciación sobre a redución de residuos contaminantes e a reciclaxe en todo o mundo.

Aínda que só Leo e Candela leron o discurso, foi creado entre todos e todas. Aportamos ideas, as ampliamos, eliximos as máis importantes, engadimos anécdotas... Toda unha experiencia.

A continuación, deixamos o vídeo da CME, no que podedes ver a Leo e Candela a partires do minuto 58:10. Clica na imaxe para velo!




Ata a próxima, BALEATOS!

04/05/23

Lendo... Pola rúa!

 O día 3 de maio de 2023, os cursos de 3º e 4º de Educación Primaria decidimos saír a ler á rúa para conmemorar e celebrar o "Día do Libro". A continuación adxuntámosvos unha serie de imaxes para que poidades ver esta increíble experiencia e poder compartila convosco!








08/03/23

3º EP_ Deni, a nosa galega imprescindible

Durante estes días, para conmemorar a Semana da Muller, cada aula presenta na biblioteca á súa muller imprescindible. Nós eliximos a Deni, a nosa mestra en prácticas... Gracias, Deni, por formar parte da nosa vida!

Deixamos, a continuación, o podcast da entrevista e un libro ilustrado con debuxos das nenas/os de 3º de Educación Primaria.

Galegas imprescindibles

Preme na imaxe para escoitar a entrevista a Deni

06/03/23

4º E.P._Galega imprescindible... Xela Arias!

4ºEP_Galegas imprescindibles

Para conmemorar a Semana da Muller realizamos a biografía dunha das escritoras e tradutoras de maior renome do panorama galego, facendo unha exposición diante dos compañeiros e compañeiras do centro.

08/02/23

3º e 4º EP_Visita ao Melga

 

Visita ao MELGA de Ponteceso

Premer na imaxe para acceder á galería de fotos da visita.

19/12/22

3º e 4º EP_ Última sesión do CPInnova EDUsaúde

 Hoxe tivemos a segunda e última sesión do CPInnova EDUsaúde, onde aprendimos os tipos de azucre presentes nos alimentos e por que son perxudiciais para a saúde, entre outras cousas. 

Grazas!

Preme na imaxe para acceder á galería de fotos.



28/11/22

3º EP_ Andaina por Malpica

Durante estas últimas semanas estivemos inmersos nos contidos relacionados con mapas, planos e orientación espacial. 

Como produto final do traballado, o alumnado de 3º fixo unha ruta pola nosa vila, Malpica. Na aula eliximos os lugares que debía visitar todo foráneo, así como a ruta a seguir.  Durante o paseo, todos levaron o seu plano coa ruta marcada para indicarnos, por turnos, as rúas que debíamos coller. Foi unha andaina marabillosa! Rimos, compartimos, xogamos... E mesmo tivemos a sorte de saudar a algún que outro familiar. Toda unha experiencia!

Clica na imaxe para ver todas as fotos!



07/11/22

3º e 4º EP_ 1ª sesión do CPInnova EDUsaúde

Hoxe, as aulas de 3º e 4º de Primaria acudimos á biblioteca para recibir a primeira sesión do Contrato-Programa Innova EDUsaúde, que promove a dinamización de hábitos de vida saudable dentro do noso cole.

Nesta sesión, recordamos coñecementos e aprendemos outros novos sobre, por exemplo:

- Os macronutrintes e alimentos que os conteñen

-  Alimentos saudables e non saudables

- Exemplos de almorzos saudables

- As froitas e hortalizas de tempada

Tamén puidemos resolver as nosas dúbidas, que non eran poucas😃, facendo todas as preguntas que quixemos!

Preme na seguinte imaxe para acceder ao álbum de fotos

Agardamos a seguinte sesión!


28/10/22

3ºEP_Lecturas Terroríficas: A desaparición terrorífica

Imaxe 3ºEP

Esta semana presentamos na biblio o noso conto de produción propia:

A desaparición terrorífica

Alberto é un bocadillo parlante. Ten 8 anos e encántalle almorzar leite fresca e torradas de marmelada de fresa. É moi activo, non para nunca de saltar e os seus amigos din que ten unha forza alucinante.

Unha fría mañá de novembro, o bocadillo parlante espertou na súa cama e, cando foi buscar á súa familia, deuse conta de que estaba só na casa.

Pensou que estaba soñando, así que volveu á cama a durmir un pouco máis. Cando volveu espertar, buscou de novo á súa familia pero sen éxito.

Preocupado, saiu ao bosque a buscar á súa familia. Cando levaba un tempo camiñando, encontrouse con un xigante que lle preguntou: “Que fas aquí, bocadillo apetitoso?” e Alberto contoulle que estaba buscando á súa familia polo bosque. Pediulle axuda, pero o xigante díxolle que non, que prefería zampalo. Alberto, morto de medo, lanzoulle á cara un queixo tan fundido e quente que parecía lava, e foise correndo.

Ao cabo dun tempo encontrou a unha patasma e lle explicou o seu problema: levaba horas sen encontrar á súa familia.

- Podes axudarme? - preguntou Alberto – Estou moooooi preocupado. Pasaríalle algo á miña familia? Que será de min sen ela?

De súpeto, a pantasma comezou a rebuscar no seu peto. Sacou un obxecto redondo e máxico... Era un compás.

- Este compás ten o poder de encontrar a xente desaparecida. Segue buscando polo bosque e xa verás como, cando esteas preto da túa familia, o compás comezará a pitar moooooi forte e mooooooi rápido.

Seguiu o seu camiño durante horas e chegou a unha horta. Alí, había un paxaro que tamén lle ofertou axuda. Subiu ao seu lombo e o paxaro levantou o voo. Pero facía tanto vento que Alberto perdou o equilibrio e caeu ao baleiro.

Caeu ao carón dunha casa encantada. Entrou e viu un montón de bocadillos parlantes comidos. O chan estaba repleto de migas e babas! Decatouse de que había un rastro de salsa de tomate polo chan e decidiu seguilo. De súpeto, o compás comezou a pitar moi rápido e forte e, ao fondo do corredor, comezou a escoitar uns ruídos.

Baixou as escaleiras e chegou a un enorme soto. En realidade, Alberto estaba moi asustado e o compás, para calmalo, comezou a brillar. Así, Alberto foi capaz de distinguir unha gárgola ao fondo da habitación. Detrás dela, estaba a súa familia atrapada e atada a un pau moi largo.

Decidiu enfrentarse á gárgola nunha pelexa. Nun momento, pasou por debaixo das pernas da gárgola, esta perdeu o equilibrio e caeu ao chan con tanta forza que rompeu pola metade en dous anacos.

Rescatou á súa familia e, xuntos, fixeron o camiño de volta á casa. Cando chegaron, decidiron celebrar que estaban sans e salvos facendo un pastel de fresa e chocolate.

Feliz Samaín!