20/12/18

NADAL 2018

Estimadas familias:
Desexámosvos que disfrutedes  das festas do Nadal e que teñades un próspero aninovo. 
Vémonos á volta das vacacións!!!




19/12/18

BROWNIES NAVIDEÑOS



Invadidos polo espíritu do Nadal volvemos á cociña con intención de facer outra das receitas que recolle o libro de Escarlatina, a cociñeira defunta. Nesta ocasión elaboramos uns riquísimos brownies e quixemos darlle un toque distinto e divertido tendo en conta as datas nas que estamos.

Así foi como nos quedaron os brownies co gorriño de Papá Noel. J
Deliciosos!!!










01/12/18

Madalenas Escolares


Esta semana comezamos a traballar cun dos libros incluídos no Plan Lector deste curso. Trátase de Escarlatina, a cociñeira defunta. COSTAS, LEDICIA. Ed. Xerais.
É un libro de aventuras apaixoante. Ademáis,  contén unha ducia de receitas e, aproveitando que o noso cole ten unha Aula de Cociña, puxémonos mans á masa e fixemos unhas exquisitas madalenas caseiras.  


19/11/18

PRACTICAMOS ORTOGRAFÍA


Animádevos a practicar a ortografia dun xeito máis ameno con estes xogos

Clica na imaxe para acceder.


16/11/18

Terror baixo as augas

Como cada ano, cando se achega o Samaín, no noso cole celebramos a semana das lecturas terroríficas. Para esta ocasión, o alumnado de 4º de Primaria inventou un conto con temática de terror e tendo como protagonista a Leo, a mascota da nosa biblioteca. A partir deste pequeno relato, creamos un audiovideo coa técnica de Stopmotion empregando os debuxos que foron facendo os nenas e nenos da aula. Terror baixo as augas from bemilladoiro on Vimeo.

11/11/18

Saída escolar (3º e 4º EP)


O pasado 7 de novembro o alumnado de 3º e 4º de primaria realizaron a primeira saída escolar do curso.
A primeira parada foi para  visitar  o dolmen de Dombate en Cabana de Bergantiños da man de Lito, o guía do concello.
A segunda visita foi ás Torres do Allo no Concello de Zas. Aquí, Tania, a guía,  tíñanos preparado un xogo de pistas co que o pasamos xenial.

Foi unha xornada ben interesante e divertida!




16/10/18

Unha volta ao pasado

Amosamos o primeiro dos produtos finais desta tarefa integrada sobre a Prehistoria. Por equipos prepararon cadanseu mapa mental e unha exposición oral sobre as características máis destacadas do Paleolítico, Neolítico, Idade dos Metais, Arte rupestre e Megalitismo.














09/10/18

ACENTUACIÓN DE PALABRAS


Practica a acentuación de palabras con estes xogos interactivos. Para acceder a eles clica nas imaxes.




17/06/18

De excursión con Traski polo mundo da grandes pedras

O pasado xoves 14 de xuño realizamos a excursión de fin de curso. Desta vez fomos de aventura por Camelle en busca de Traski, a mascota do Camiño do Faros. Tivemos a sorte de que nos acompañase Ramón, un dos directivos desta asociación. Aprendemos un montón de cousas e pasámolo xenial.
Excursión con Traski from bemilladoiro on Vimeo.

04/06/18

Fin de Proxecto: Un mar de contos



Non podemos estar máis orgullosos deste resultado. Velaí parte do traballo no que levamos volcados todo o curso; Grazas á profesora de música por esta fermosa melodía e polo labor de coordinación do tódalas titorías. Tamén aos profesores/titores porque nas aulas é onde todo sucede. A nós encántanos! Agora falta o video, a ver se somos capaces...

03/06/18

Caderno de animais mariños

Xa sabemos un chisquiño máis sobre o fondo mariño e algúns dos seus moradores. Nesta ocasión os nenos e nenas de 3º estiveron investigando sobre as características e comportamento dalgúns animais mariños que recollemos neste caderno.

29/05/18

Os libros da Titiriteira

O pasado venres recibimos a visita  de Celtia Figueiras, membro da compañía de monicreques “A xanela do maxín”. Veunos presentar Os libros da titiriteira. Espectáculo con libros enormes que contiñan no seu interior pequenos e divertidos relatos.
Pasamos un bó anaco na Biblioteca do noso cole!





07/05/18

Ponlle pilas ao teu bocata!

O alumnado de 3º e 4º de Primaria puido comprobar os saborosos bocatas que se poden facer usando como ingrediente principal algún produto do mar en conserva.
 E o pan, mercámolo? NON! Como veredes no video, foron eles e elas os que fixeron o seu propio boliño de pan.
Aprendemos a facer unha receita e analizamos a información que contén as etiquetas dunha lata de conservas: denominación, peso, información nutricional, caducidade e conservación.
 As especies mariñas en conserva (atún, mexillóns, xoubiñas…) xunto cunha gran variedade de alimentos vexetais, lácteos, cereais…serviron para elaborar cadansúa receita dun bocata rico e cheo de enerxía.
 O programa ALIMENTA-T BEN que promove a Consellería de Educación quere fomentar dietas saudables entre a poboación escolar e Ponlle pilas ao teu bocata é unha campaña deseñada para transmitir aos escolares a importancia do consumo de conservas de produtos do mar.

04/03/18

Un mar, dúas orillas II

Quixemos contarlle aos nosos novos amigos de Rabat, Marrocos, o ben que o pasamos este entroido. Escribimos un segundo correo electrónico e aos poucos días recibimos resposta. Que simpáticos disfrazados de mexicanos!
Eso sí, aprendemos que na cultura marroquí non se celebran estas festas.

03/03/18

Practicamos a división

Repasa as divisións con este xogo interactivo




27/02/18

Día de Rosalía

Coma todos os anos, quixemos conmemorar  o Día de Rosalía de Castro.  Nesta ocasión, os nenos e nenas de 3º e 4º de primaria rendímoslle homenaxe recitando algunhas das súas poesías e construindo un mural colectivo con fermosos augamares deseñados polo alumnado.

13/02/18

Entroido de LURAS


Vimos de celebrar fai uns días o entroido no colexio cuxa temática este ano foi O MAR.  O disfraz escollido na aula de 3º de primaria foi o de LURA inspirado nun poema que aparece no libro Acuario de María Canosa. Foron días de traballo intenso e de moitos nervios por rematar a tempo o disfraz e poder lucilo no desfile que tiñamos organizado.
Amosamos algunhas imaxes do proceso e do resultado.












Aprender a dividir

Nestes próximos días na área de Matemática imos comezar a aprender a dividir. Con este xogo de La Pandilla Rejilla podedes pór en práctica o que imos traballar na aula.




02/02/18

Un mar, dúas orillas. 3º Primaria


Unha das actividades á que nos convidaron participar dende a Biblioteca do noso cole polo Dia Internacional da Paz e a non Violencia, foi a de UN MAR, DÚAS ORILLAS. Consistía en intentar contactar con nenos e nenas doutras partes do mundo tendo o Atlántico como nexo común.
Puxémonos en contacto co Colexio Español de Rabat (Marrocos) e a profe de 3º de Primaria respondeunos que estaría encantada de coñecernos e compartir moitas experiencias con nós.
Así que redactamos entre todas e todos un email que enviamos, xunto con algunha foto da nosa localidade e aos poucos días obtivemos resposta. Que ilusión nos fixo!!
Prometemos que seguiríamos escribíndonos. 


31/01/18

Alimentación saudable

Se pinchades na imaxe accederedes a un xogo interactivo que vos vai permitir seguir practicando sobre o tema que acabamos de traballar na aula en Ciencias da Natureza. Tamén vos pode ser de axuda para elaborar a dieta saudable que vos pedin como tarefa final deste tema.