Para celebrar o Samain, creamos en familia Cabazas Fantásticas: Superheroes e Superheroinas.
Picando na imaxe accederedes á galería.
27/10/20
3º_Ollo Vermello
Presentamos a nosa creación co binomio fantástico de Rodari para a XI Semana das Lecturas Terroríficas, non contamos con público pero alegrounos moito poder voltar subir ao escenario da nosa Biblioteca.
Pasámolo xenial creando a historia en gran grupo e editándoa xuntos/as, faltounos o noso compañeiro Alexis por coincidir o horario da Biblioteca co día que el está no centro de E.E. por iso a nosa actuación vai adicada a el.
Esperamos compañeiros/as que a desfrutedes tanto coma nós e...
FELIZ SAMAÍN, A LER SEN FIN!
26/10/20
3º_Cabazas Fantásticas
Quen dixo medo? Un Samaín fantástico!
23/10/20
Lab. Documental: Rodari&Bibliotecas
Esta semana iniciamos os Laboratorios de Aprendizaxe LeoLab para o alumnado de 3º a 6º de E.P. porque PÓDESE seguir ensinando, educando con metodoloxías activas nas que todo o noso alumnado sexa protagonista das súas aprendizaxes.
O Laboratorio Documental 1 levouse a cabo co subgrupo de alumnado de 3º, o grupo 1: 3ºA.
A exposición Fantasía Rodari serviu de punto de partida á primeira sesión deste laboratorio, no cal investigamos e puxemos en práctica como se identifican os libros.
Libros de Gianni Rodari e outros/as autores/as da nosa Biblioteca, celebrando así o centenario do autor (23 de outubro) e o Día das Bibliotecas (24 de outubro)
Picando na imaxe accederedes ao álbum de fotos da sesión.
14/10/20
3º_Binomio fantástico Rodari
Seguindo o PDI anual e as actividades propostas pola XE e o equipo de BE-NL para este 1º trimestre de curso, iniciamos a creación da nosa propia historia de misterio/medo coa dinámica de Gianni Rodari: binomio fantástico.
Montamos os nosos cubos que en cada cara recollían unha parella de palabras ou binomio fantástico para comezar a crear as nosas historias poñendo en práctica a técnica.
Comezamos a crear, en gran grupo, a nosa propia historia para a XI Semana das Lecturas Terroríficas que este ano serán presentadas ao resto de compañeiros/as en audio ou vídeo, a través dos blogues de ciclo, ante a imposibilidade de reunirnos todos/as na nosa Biblioteca.
Picando na imaxe accederedes ao álbum de fotos do inicio desta actividade que tanto nos está gustando.
13/10/20
3º_Que me contas?
Esta semana iniciamos o programa de animación á lectura Que me contas?
O pasado curso realizábamolo en familia levando un libro na bolsiña viaxeira coa actividade a completar.
No presente curso, esta actividade realizámola ao longo da semana nas sesións Hora de Ler e se non nos dá tempo de rematar o libro levámolo a fin de semana. Os luns depositamos todos os libros na caixa-corentena da aula.
Encántanos baixar á BE a realizar os empréstitos dos libros e colocar o noso marcador persoal Leo no lugar de onde retiramos o exemplar, unha maneira de axudar a manter ordeada a nosa Biblio.
Ler e contar, todo é comezar!
Subscribirse a:
Publicacións (Atom)