Hoxe finalizamos un curso excepcional no noso colexio, ningún lugar mellor para aprender e soñar xunt@s.
Como actividade final elaboramos o noso libro de produción propia con propostas de actividades para o verán: receita de verán, risa saudable, escribo, ilustro, o meu día favorito, a miña familia, amigos/as, un lugar especial e libros do verán son as páxinas que o conforman.
Ao remate do merecido descanso estival esperamos voltar co noso libro cheo de palabras e ilustracións que resuman o feliz verán que desfrutamos lendo, xogando, compartindo...
Despedimos un curso de moitas emocións, agradecendo á ANPA a merenda fin de curso que nos agasallou, a nosa comunidade polas actividades que nos brindou, as nosas familias e ao noso profesorado polo seu acompañamento, dedicación e coidado diario con todos/as nós.
Feliz e saudable verán a tod@s, voltamos en setembro!
Ningún comentario:
Publicar un comentario